يوميات زوجة عراقية️️

حمام الهنا

مساء الخيرحبيباتي
بما انو كاعدين بالحجر خل اسولفلكم 🚿🧴🧼
طبعا معظمنه عدهة مواقف ابيتهة مع جويسمهة هههه فالي عدهة موقف يضحك خلي تنورنه
يابه عودينك فد يوم قررت ويه روحي شوي اطبق من كلام القصص الي اقراهن ونصائج مال سندوسه وسنادس كلت يابه خل اجرأ وطلب منه نسبح سوة هههه طبعا احنه قبل داخلين للحمام سوة بس من كبرو اولادنه مسويناهة لان الشياطين ينتبهون المهم ....جنت كاعدة ورة مكملت عشة وعشيتهم واني بطبيعتي الة اسبح قبل لا اصعد الغرفتي لان جويسم اذا ما اسبح قبل النوم يضل يبسمرني لو سابحه الف سبحه بالنهار ميهمة الة السبحه مال قبل النوم كلش عدة مهمة
المهم كاعدة كلي شوكت حتسبحين حته نصعد كتله والله تعبانه ومفصخه وريدلي واحد ايسبحني صفن عليه وسكت عود صرت لوتيه  . كتله شصار لو تكلف نفسك وتسبحني .. كلي او ولدج شلون كتله الجبير طالع والثاني نايم عالتلفون يلعب والزغير صافن على كارتون بالهول .. عود لوتيه اني 😉

المهم كال خوش راح اروح ونتي لحكيني  اشو اني كال هيج واني نصفكت ههههههه المهم وكف يم الحمام جان يصيح يالله وينج كتله خرب حظي خو مبقه واحد مسمعك دسكت شهرتنه ... كول دخل ورد طلع جان يصيح يالله ههههههه كتله هااا عود صدك ندخل سوة جان يكلي لعد جذب كتله والزغير شلون جان يكلي دكومي صارلج ساعه تدبرين بيهة كتله خوش فوت واني جايه وراك كال خوش
هههه دخل للحمام صاح عليه بقيت كاعدة هههه رد صاح عاد كلت هسة اني شبيه دخل اكوم اجرأ كولو دكيت الباب ودخلت نزعت هدومي جان جويسم كلي كعدي عالتخته كعدت جان يجيب بالمي ورشك على راسي غركت  ورد يجيب وعلى راسي  دخيلكم محمد اريد اتنفس مالحكت بذاني بخشمي بحلكي المي عاد اريد الحك اكله  ترة انته فاهم الموضوع غلط اريد سبح مال رومانسيه مو جلفه العيد
ماكلكم كوة كدرت احجي وكتله دقيقه خنكتني مو هيج هاذ انتقام مو سبح المهم جاب الصابونه 🧼 وليفه كتله شسوي .. كلي اليفلج كتله ترة اني ماستخدم صابون كال لعد شنو كتله اني اليف بغسول حمام 🧴 ما كللكم لزم البطل دار نصه وجلف كتله دوكف يمعود شنو شايفني سنه ما جالفه مو هيج غير اول شي اغسل شعري كلي خوش جيب الشامبو وحطه نصه على راسي كتله شسالفه مو هيج هاذ الحجي وكل كرفه مي ورشك على راسي مال واحد لازم عريس بليله عرسة ويجلف بي ههههههه اخر شي طكت روحي كتله شو عوف الطاسه وعوف اليفه وعوف المي وتعال اكعد انته  والله كولو كعد جويسم😁😁 لزمت المي وعلى كيف اديرة على راسه وكله شوف هيج السبح نوب لزمت الغسول مالتي وبيدي عود اريد اليفله بيدي وحرك مشاعرة هههههه جان يعيط ابني.. ماما وينج ... خرب ... هههة انلاصت وعلي صحت علي اي جيت ماما كلي بابا وينه كتله هاا طلع جان يكلي لعد هاذ الصوت منو يمج كتله محد داسبح هاذة الحجي جويسم  عود يشاورني هوة شاهرني لاكلكم ولا تكلولي طلعت من خشمي هنوب ابني لازملي الباب وريد اطلع وجويسم بقه محصور بالحمام كول بالشافعات طلعت وليل كله ابني يحقق ويايه شجان بابا يسوي يمج بالحمام  عمي مو هوة وحدي يكلي اني سمعت صوته ولك ابوك جان طالع يكلي لا هوة وراج طلع اني شفته
يبووووو عليج سندوسه انعل ابو الي يطبق نصائج عمي ماريد بعد لو ظاله على سبحتي احسن لا سبحت زين ولا غسلت شعري ولا ليفت براحتي ولا استمتعت بالحمام وية جويسم ونوب هاذ مشعول الصفحه يحقق ويايه
وكلهة بكوم وجويسم بكوم كل شوي يكلي ما كملناهة للسبحه نعوضهة عود  هههههه كتله هوة انته مال رومانسيه خنب ههه يالله هية تجارب الحياة
😚😚😚😚😚😚😚😚