( الحلقة الاولى )
الوووو
الوووو شلونج
الحمد لله انته شلونك
منين دتخابرين
مو مهم ارد اكلك شي اريد اشوفك عندي موضوع وياك
عادي الخميس موعدنه وشتردين كولي
لا قدم الموعد شغله مستعجلة
احجي هسة
لا ماكدر عد الناس اني من نلتقي اكلك
اوك نلتقي شوكت تكدرين اطلعين
باجر
اوكفلج يا ساعه
اربعه العصر
تمام
..........
هلو شلونج
هلو انته شلونك
شو مو على بعضج
؟؟؟؟؟؟؟
شو صارت بيهة حصرات خير قلقتيني
اجو عليه خطابه
؟؟؟؟؟؟ منين
جوارين اختي سألوهة معندج اخت وكلتلهم عليه واجوي البارحة النسوان شافوني وعجبتهم وخطبوني من امي وامي كالت اله يجي الولد وتشوفه ويشوفهة اله ذيج الساعه تكدرون تخطبون
؟؟؟؟؟؟؟
سكتت
شتردين اكلج غير الله يوفقج بحياتج اذا شخص مناسب شكو بيهة
توقعت ردك هذا
على العموم حبيت ابلغك حتة بعد تنقطع كل الصله الي بيناتنه
ليش
لا والله وتسأل ليش اكيد اذا نخطبت راح ازوج وتتوقع اذا ازوجت اخون زوجي وتصل بيك لو التقي بيك
اكيد ومؤكد راح اوفيله ونته تعرفني من اوفي لو علكص ركبتي ما اغدر
بعدج ما ازوجتي وهيج تحاجيني
لا بس دا اكولك علاقتنه هنااا ونتهت مدام انته كل خطوة متقدم خلص اشوف حياتي
......................
هاااا شبيك
نخطبت
بيهة الخير وشمتوقع مدام متريد تزوجهة
مو ماريد ازوجهة بس تعرف موقف اهلي لو هسة كدامهم اصارع الموت ميخطبون غريبه لااا وهنوب احبهة وعلاقه نسيت اخويه من راد حبيبته شصار
اول وتالي ازوج الي اختاروهة همة مو عاد اني
وشبيك هسة تحوص البنيه اول تالي تنخطب وتزوج قابل تبقه طول عمرهة مصادقتك وكاعدة بله زواج وشناقصهة زغيرة وحلوة الله يوفقهة
المصيبه بعد ما التقي بيهة ولا اشوفهة
لعد شتريد يابه تبقه مواعدتك وهية مخطوبه لااا اعذرني بهيج حاله اني احجي عليهة وكول مو خوش اذا سوتهة
انته متعرفهة مثلي اعرفهة زين بعد هذا هوة بس عسى ولعل تبقه تتواصل ويايه
ونته ليش تريد تبقه تتواصل شنو عاجبك تبقه ويه وحدة مزوجة شو انته مدري شلونك
احبهة
لا بالله تحبها دسكت اسكت انته واني نعرف علاقتكم شما طولت تنتهي بفراق
البارحة شحجيلك من فتت من بيتهم وسمعت صوت الهلاهل والغنه والمسجل بكل علوا معلي وصوت الحفله تصدح عبالك مو بيت الحبيبه والله
كافي خلص انته هم انسه وكمل حياتك بس تعال كلي شنو خطوبه وسوو حفله
لا قرو فاتحة قبل سبوعين هاي الكعدة مال النيشان
ونته شمدريك شنو اتصلت بيك
اوووف لا ما اتصلت بس مثل متعرف رجليه متعلمه على طريق بيتهم وصدفه شفت سيارات طبكت ابابهم ونزلو زلم وشباب ورا ساعه كبت الهلاهل معناه قرو فاتحة والبارحة هم فتت وسمعت صوت حفلتهم يعني لبسهة ذهب
ونته حضل رايح جاي
شسوي رجليه متعلمه
........................
يوم منو بالباب
تعالي عيني هاي صاحبتج الي نخطبت ونستج
هههههههه لا خاله ليش هيج تكولين
يا هلة بالبذاته لو كل من نخطبت نست صديقاتهة جان ماظلت صداقه على وجه الارض
طاح حظج ونتي تلكيتيني واني بكت روحي بوكه وجيتج
عابتلج ليش متسالين تمرين لو نخطبتي وثكلتي
دحجي عدل عوبه لج والله يوميه اريد اجي بس اخاف يجي خطيبي ويلكاني طالعه وهاي اني يوميه اكول اليوم يجي حته وراها اكدر اجيج
بربج وهوة ليساعه مجاي من يوم النيشان ما بين
لا والله من حفله النيشان وراها ما شفته
واخينه بالله شخبارة
ولا ادري بي من يوم كتله راح انخطب بعد مشفته
اكولج يمكن الباب دتندك
ولج كومي امج جتي عليج
هاا يوم شوجيتي ورايه
طاح حظج مو كتلج لترحين تعالي خطيبج اجة
يبووووووو حظي وعرفه
شفتي مو كتلج خفت اطلع ويجي
ها اها طلعت واجة هههههه يالله باي غير وكت اجيج
ههههههه دروحي الله وياج وسلمينه
.............. يتبع
أنت تقرأ
يوميات زوجة عراقية️️
Humorمواقف طريفة منقولة لكم بقلم زوجة عراقية️️ وتقول لكم (( حياتنة سر كبير نحتفظ به خلف جدران منازلنا حبيت تشاركوني مواقف من حياتي بيهة حزينه بيهة مضحكة بيهة نطلب النصح لا تخلو المواقف من الفكاهة ولا يعني الشجار عدم وجود الحب العكس هو الصحيح الحب جمع...
