يوميات زوجة عراقية️️

ورق زبدة

شايفات من تعرفين فد معلومة مفيدة بالطبخ ونتي ممجربته
وتجين توصين جويسم يجيبلج منة

اني الصراحة ممستخدمة ورق الزبدة وسامعة انو يفيد بالحلويات والمعجنات فقررت اوصي جويسم من يطلع
شوفن الحوار

حروح للسوك محتاجة شي
اي والله اريد ورق زبدة
شنو هاذة وين الكا
تلكا عد ذول اهل تجهيزات المطبخ او العطار
اي وشكلة
ورق زبدة بس كلة ورق زبدة
زين شلون يصير شكلة
والله الصراحة اني ممستعملته قبل فانته من تكله ورق زبدة هوة ينطيك راح تعرف وراح اني همات اعرف
وبيش يطلع سعرة
يااا رجال مو كتلك ماعرف راح تروح وتسال وماعتقد غالي
وذا غالي
لا تجيبه
شسمة
ورق زبدة
بيش يستعملو
استغفرك ربي واتوب اليك
على كيفج هسة شكايل دا أسأل
والله يا عيني اول مرة استعملة اول مرة راح اجيبه لا اعرف شكله ولا اعرف سعرة رخيص جيبه غالي ملازم بعد
شبيج ابتلي اسالج وين كتيلي يبيعو
يبووووووو ملازم
راح اهفج
يابه العطارين عدهم
ونتي شتردين اسوين
لا حول ولا قوة الا بالله الصبر ياااا رب
اي على اساس راح تطبخين وتنفخين اني اعرف تالي ينشمر حاله حال غيرة
زين وشذابه اني
هسة اخرتيني بدون داعي جان رحت ورجعت ونوب صارت ظهر شيطلعني خلص العصر كلش اطلع
بربك تحجي صدك اكلة محتاجتة
ابيش محتاجته
يابه اريد اسوي فطائر
وشلون راح اعرفه
وك عيني بس اسال بس كول ورق زبدة
وذا معرفو
شلون ميعرفو وهواي بالطبخات دايستعملو حته للكيك معناه العطارين يعرفو
هنوب طلعتيلج فتوة بالكيك
اكولك ملازم ماريد وحته فطور ماسوي شوربه كافي
شكد حقيرة حصرة عليه احجي يالله رايح
الله وياك
شسمة كتيلي
يبووووووووووووووووووووووووووووووووووو