يوميات زوجة عراقية️️

الجميلة والشرير

ولتقينااا بموعد اخر من جديد 🌹🌹🌹🌹🌹 بقلم ام عبودي

راح اسولفلكم سالوفة
بنيه حبت وشافت من ورة  هالحب وشصار وياهااا ( حقيقية )

☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️

اكو عائله عدة هواي بنات  او ولد ثنين بتهم الچبيرة حبت ابن جوارينهم وابن جوارينهم حبهة وستمرت العلاقه فترة طبعاً جان صادق وياها فجاب اهلة واجة خطبهة
اهل البنيه رفضو ( السبب )ميناسبهم ( ليش )هوة من بيئة وهية من بيئة
وبعد اصرار من الولد بالخطبه واصرار من البنيه  بالموافقه حتة حاولت تنتحر اضطرو الأهل يوافقون  وتمت الخطبة وتم الزواج وما احلاهم ثنينهم

ماكو مشكلة لحد الان

اختهة للبنيه هم حبت اخو للولد بس الاولاني الچبير عد اهلة والثاني ازغر واحد بخوتة
الچبير عاقل وهادئ الزغير وكح وجسر  وميخاف من اكبر واحد ودوم يحب المشاكل

اهنا بدت قصه حب من نوع ثاني

البنيه حبته وتعلقت بي وهوة هم حبهة بس جان كلش متحكم بيهة بحيث طلعه ماكو اعراس ماكو شأسوي ماسوي متفتحين حلگج فهية جانت تسمع منه وتنفذ اولاً تحبة وثانياً تخاف منه
اخذولهم فترة طويله بالعلاقه اخر شي اجة خطبهة اهلهة رفضو
( السبب ) اخذتو الجبيرة كوة علينه منطيكم الثانيه الشاب تخبل انجن شلون يرفضوني اعتبرهة مساله كرامة وبعد اصرار من البنت ايضاً الاهل وافقو
بس المشكله الولد هوة الي رفض هههههههههه ( السبب ) شنو اخطبج ويرفضون وبعدين يرجعون يوافقون اني بطلت ما ازوج وفترقو الحبيبين بسبب رعونيه الولد

شاءت الاقدار الولد ينسجن بقضيه لمدة شكم سنة
والبنت سافرت مع اهلهة الى احد الدول العربيه مسقط رأسهم
هناك ناس اقارب ومعارف شافو البنت عجبتهم خطبوهة الابنهم  وبما انو الشاب جيد وسمعتة زينه ومناسب للزواج وافقت البنت ونخطبت وكطعت مهر  وما احلاهم متفاهمين بس القدر الة دور بالموضوع
تعرقلت معاملة زواجهم وسفرهم واخذله فترة من الوقت ينتظرون الاجراءات تكمل حتة الزواج يتم وياخذ عروسه ويسافر

اهنا الحبيب الاول مسجون وبعفو خاص من الحكومة طلع من السجن لان التهمة   مو قويه ومن طلع وسمع بيهة مسافرة شال الدنيه وركعهة بالگاع شلون تسافر واني ما ادري
ورة فترة سمع بيه مخطوبه وحتتزوج اهنااا عفاريت الجن والانس تقافزت كدام  عينه والجني الاكبر ركب راسه ودزلهة خبر
اني الج اصبريلي 🤬🤬
اخو الجبير لزمة وكله البنيه رفضتهة من بعد ما انته خطبتهة وعفتهة وفترقتو هسة جاي تحاسبهة على شنو
كله الاخو من ارتبطت باسمي متروح الغيري اخو كله يابه تحبهة
كلة مو قصه حب بس هيج مثل ما راحت نخطبت اخرب عليهة وصار جدال  طوييييل بين الاخوة انتهة باصرار منه يخرب حياتهة