يوميات زوجة عراقية️️

بعد الحب (٤)

( الحلقه الرابعه )

شراح سوين عفيه شو اني خفت عليج

لتخافين مراح يكدر يسوي شي اني صوجي الغلط مني اعترف ماكان المفروض اروح وشوفه اليوم كان المفروض اخليهة حصرة بكلبه على كل حال خلص صفحة ونطوت بعد خاف جانت ذكرياتنه تشفعله هسة بعد هذا تفكيرة ميشفعله شي عندي

انتي شلون لكفتيهة وعرفتي بتفكيرة شو اني ولا تصورت هيج

مبينه حبيبتي اليوم الظهر شفته بليل اجة ويريدني اطلعله   ماعرف شمصورني غبيه وغشيمه لو متصورني راح اختارة  وافضله على الانسان الي دك بابي وخطبني واخون الثقه وروح وياا لا والله مو اني الي اسويهة ونزل راس اهلي وراس زوجي وخليهم معيرة يابه شنو الافندي هسة اله حس بالخسارة

عززززاا لو فرضاً ماحاسه بلي مفكر بي شكان صار

شيصير بعتقادج مثلاً لو بس طالعه من الباب جان مرجعت بعد نهائي حته لو اني رافضه هالشي مجان يخليني هوة لعد شتفسرين جاي بسيارة ويه صديقه وبليل ويريدني اطلعله منو برايج يخليني اطلع هيج وقت وشنو عذري بالطلعه وشنو الي يوازيني وطلع اله اذا كنت بايعه كلشي وشاريته بس ما حزر مو اني الي بهذا الغباء

بس والله عفيه عليج من لكفتيهة الله ستر جان رحنه بيهة

مو بس اني جان انضريت اهلي واهل زوجي وزوجي وانتي تصورين بعد الي صار احد بعد يتقرب عليج ويخطبج اكيد واختج قبل عرسهة اختفت
مع الاسف مجان سبع وكدهة وحارب من اجلي اجة من تالي ويريد يصخم وجهي هذا الي اقتدر علي

لزعلين بس الجبان هيج يفكر

اكيد لو ما جبان مو خايف من اهلة وحته موضوع ميفتح وياهم على كل حال الحمد لله الي كشفته

خاف فد يوم انتي طالعه ويخطفج

شبيج وين يلكاني بعد اصلاً اني ما اطلع من البيت اله للضرورة وثاني شي زغيرونه اني ويخطفني ماعدي صوت والم علي الناس ولتنسين ميكدر اذا مو اني وبرضاتي اروح ويااا هذا كل ظنه من هيج يسوي ارضخ اله مع الاسف والله

وشراح اجاوبي على رسالته

ابداً ولا حرف خلي مدام فكر بيه سوء ويريد اذيتي بهاي الصورة

يعني برأيج شيسوي لو رايحة وياا

وحدة من ثنين لو يصخم وجهي وبعد ماكدر ازوج وبقه تحت رحمته شوكت يكدر ياخذني وبيا طريقه ماعرف لان اهلة مستحيل يسووهة ويوافقون
يأما يخطفني وهم ابقه تحت رحمته شوكت يزوجني  بكل الحالات اني الخاسر الوحيد اصلاً اني من قريت كلامه گلبي كرصني وحسيت اكو شي موزين ورا
وثاني شي تعالي كوليلي من كل عقله اكدر اطلع هيج وكت وشنو عذري وشون اجازف بهيج وقت اله اكون بايعه روحي
اني مو غبية حته تعبر عليه هيج شي