رداً على طلب ام اية بتقديم قصة مماثله لحالة ابو سجاد وام سجاد في تحت خط الصفر
وستنكار المتابعات الحالتهم خلي احجيلكم هاذي القصة وهاذي كدام عيني صارت وجواريني هم وشاهدة عليهة اني
Um Ayaa
فد يوم جوارينه عزمتنه على زفة بنتهة البنيه كبيرة بالعمر نهاية الثلاثين وموضفة لكن متأخرة بالزواج وهية بنت بيت
حضرنه الدعوة ولما وصلت الزفة نزل من السيارة رجال جبير بالعمر لكن محافظ على صحتة واناقته ومرتب ودخلو وكعد يم العروس واكو وحدة هية نزلته من السيارة وهية الي ترست البيت هلاهل وهية الي تصفك وتغني وتركص وهية الي قدمت الذهب بيديهة وهية الي وكلتهم كيك وشربتهم الشربت لابسة قاط وبكل نشاط وفرحانه وتهوس اخر شي وحدة من جوارينه كتلهة الفضول وجرتهة وسالتهة انتي اخت العريس كالت لا اني مرتة 😳😳 طبعاً كلنه صرنة هيج 👉 عاد سألتهة اشوفج فرحانه مزوج رجلج عليج كالت
اني مرة جبيرة ولدي وبناتي كلهم كبار وبعد ماعندي رغبة وقدرة عالرجال فقررت ازوجة لان هوة بعدة بحيله ويريدله مرة واني هم بعد ما ازوجة اروح ورة ولدي للخارج اعيش وياهم وهوة خلي بحياته وممقصر علينه شي اني اخذت نصيبي من الحياة وكتفيت
طبعاً العروس كاعدة وتسمع الحجي جان تكول ترة هية نطتنيا اني ما اخذته منهة وتضحك تالي بعد المراسيم العريس لزم ايد العروس وكللهة ( يالله حبيبتي نروح ) وزوجته الاولى سوتلهم زفة الى ان صعدو بالسيارة طبعاً قبل لتصعد همات كللهة ( دير بالج حبيبتي )
وزوجو وعاشو وصارت عدهة بنيه من عدة وحالياً همة بالخارج عايشين هااا نسيت اكللكم العريس ( صايغ ذهب )
وشكم سنه مرت من صار زواج بت جيرانة بس بعدهي ابالي حجايته بيوم الزفة ( حبيبتي )
وذا اذكرت حالة لخ اكتبهة الكم
ترة مثل حالة ابو سجاد هواي منهة موجود ( الة هاي الة هاي الة هاي ) ام سجاد هههههههه حالتة متوفرة بكثرة
أنت تقرأ
يوميات زوجة عراقية️️
Humorمواقف طريفة منقولة لكم بقلم زوجة عراقية️️ وتقول لكم (( حياتنة سر كبير نحتفظ به خلف جدران منازلنا حبيت تشاركوني مواقف من حياتي بيهة حزينه بيهة مضحكة بيهة نطلب النصح لا تخلو المواقف من الفكاهة ولا يعني الشجار عدم وجود الحب العكس هو الصحيح الحب جمع...
