يوميات زوجة عراقية️️

ذكريات

حبيباتي مساء الخير عليكم 😍ياا قلبوشات😍 بما انو كاعدين محجورين خلي اراجع ذاكرتي وطلع شغلات اداهر بي جويسم

طبعا مواقفي مع جويسم لا تعد ولا تحصى خلي اسولفلكم
طبعا اخر ايام شهر رمضان الفضيل جويسمي اتمرض وحرنه بي طبعا محد وكع بيهة غيري لان اني زوجته ولازم اكون ويا بكلشي والله حته للصبح مانام اكعد اباوع علي وكله شبيدي عليك ونته تتوجع صار عندة التهاب حاد بالجهاز الهضمي😣😣
طبعا يوميه باليل لازم نزور المستشفى مغذي وابر وادويه ونرجع للبيت وثاني يوم نفس الحاله الى ان وصلنه اول يوم العيد ومن غبشه الناس تصلي العيد وناس تحضر ريوك اول يوم العيد واني مكابله المستشفى وكاعدة ما كللكم دوخنه وما وكعنه عالعله يوميه يتوجع وما خذته ورايح للمستشفى

.
.
اخر شي وحنه بالمستشفى صفنت علي وهوة يتألم واني اصبر بي طخت بعقلي فكره كتله جويسم انته ما اكل من احد شي
كلي لا كتله عازميك على اكل شرب كلي لا كتله شغلة مو خاليه خاف وحدة ساكيتك ومشربتك سحر 🤔🤔
والصدمه جان يكلي والله اروحلهة بدون متشربني شي بس ارتاح وتشيل الوجع مني
صفنت علي كتله دشوف الصرنجه .. كلي اي . كتله دشوف المغذي المعلك بيدك .. كلي اي .. كتله دشوف احنه وين .. كلي بمستشفى .. وعلي هسة اسحب هوة بالسرنجه وضربك بالصوندة مال المغذي وكلهة دقايق وتختنك وتنتهي

طبعا هوة هيج😰😰 شكله صار
كتله اذا هيج حضرتك مستعد تروحلهة شكو مسهرني للصبح وياك متروحلهة للبربوك الي موجعتك طبعا هوة ما كللكم راد يلم الموضوع ماكدر ههههههه اكلته وشربته ونسيبي يركض ورايه واني اهرول من الطوارئ طالعه يمعودة خاله وين رايحه دخيلج وين عايفه رجلج يمعودة تعاي اني ارجعج

ههههههههه طبعا جويسم الة شويه ويشمر روحه من السديه
ويجي ورايه دخيلج اشاقه تعاي يمعودة.. رجعنه للبيت عاد سألني شون جتج الفكرة مال السرنجة 💉 تموتيني بيهة كتله حته بذمت المستشفى ومحد يشك بيه وكلهم غلط المستشفى همة ضربو ابر
شلوني بالانتقام😈😈👹👹

هههههههههههههههه اليوم ذكرته بالموقف وكتله تذكر ايام المستشفى
كلي مو كاعد اكبالج محبوس كعدي راحة
😂😂😂😂😂😂😂😂😂
يعرف هاذ الموقف ورا تشن الحرب 💣💣
تلافه الموقف وغلقة
يابوج يابوج كورونا🦠🦠