البارحة جتني دعوة حفلة زفاف وبقاعه
وحنه كاعدين نتناقش عالدعوة اخذتني الذكريات الموقف صار بية او بالاحرى موقف سويته وسافرت بذاكرتي قبل17 سنة
طبعاً هالموقف للموت ما انسا وكل ما اذكرة اطيح ضحك على عقلي
😂 فد مرة جويسم اجاني وبيدة دعوة مال عرس سألته منو حيزوج
كلي صديقي اخته حتزوج بقاعه وجابلي دعوة
ستغربت اكو واحد يجيب دعوة العرس اخته الصديقه سالت جويسم صديقك ويعزمك على عرس اخته مو شوي واكفه
كلي يمعودة مسيح وهيج امور عدهم عادي مو مثلنه
😍 طكيت من الفرح اي علوا خل نروح الله عليك مشايفه اعراس مال مسيح
كلي بطرانه شعدي رايح العرس اخته هسة لو عرسة اي اخذكم مو عرس اخته
المهم وكعت دخيل دم اتوسل بي ودخلت واسطة وياي حته يقتنع وتكابلنة علي اني واخته الى ان قبل ياخذنه العرس اخت صديقه وبقاعه
بس كلي اتاكدي من اسم القاعه حته منظل ندور فتحت الدعوة قريت اسم القاعه والمنطقه الي بيه القاعه والموعد يوم الخميس
وكعدنه نتحظر اني وحماتي شنلبس وشنسوي وشنعمل الى ان اجة موعد العرس وكعدنه اني وحماتي نحضر بروحنه راح نروح اليوم موعد ماشايفي قبل حفافه وسبح ومكياج وتحضير
اجة العصر بدلنه وطلعنه وصلنة مكان القاعه قدمنه للحرس الي باب القاعه الدعوة ودخلونه
كانت الزفة بعدهي ما جايه اختارينه مكان مناسب وكعدنه طبعاً احنه محجبات والوحيدين مسلمين حاضرين الحفله فكعدتنه صارت بخجل
وبدت الناس والمدعوين يحضرون ودخلن الانسات والبنات الكاشخات ما احجيلكم شلابسين وشمسوين عيناً باريس
باختصار عالم ثاني
المهم يابه شوفلنه صاحبك وينه شو زحمة كاعدين مثل الاطرش بالزفة
جويسم يلتفت يمنه يسرة صاحبة وسام ماكو كتله يجوز يجي وية الزفة
والله كولو طولو ليما جتي الزفة ودخلو العالم والناس وحنه كاعدين وصاحبة وسام ماكو سوو دخوليه للعرسان وصاحبة وسام ماكو
بدة الفرقة بالعزف والبنات بالركص والولد بالدبج وصاحبة وسام ماكو
يمعود خاف لابس قاط
كال لا
خاف مزين اكرع ومتغير شوفة زين
كال لا
زين هسة شنو موقفنه وحنه كاعدين وبدو المدعوين ينتبهون وجودنه الغريب بينهم بس الله شاهد نهائياً محد سألنه شعدكم هناا 😂
صار موقفنه سخيف كاعدين بعرس ناس منعرفهم والناس متعرفنه والطرفين مستغربين الوضع
اخر شي كلي شو دطلعيهة للبطاقه خل نتأكد من اسم القاعه
كتله يابه والله نفس القاعه بس الظاهر صاحبك ضربنه بوري عزمنه وما حضر
كلي دطلعيهة ترة وصلت حدهة صدك وطلع البطاقه من الجنطة وقرة القاعه نفسة والمكان نفسة بس الغريب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
التاريخ يختلف 😂😂 يعني جبتهم للحفله قبل اسبوع 😂😂😂😂😂😂
يعني الموعد مو هاذ الخميس الخميس الجاي واني جايبتهم قبل اسبوع
وااافشلتاه واااااا عاراااااااه
طبعاً ماحجيلكم منضري شلون كان ونوب هاي حماتي ساحت من الضحك ودخلت الة شويج جوة الميز وجويسم يبووووو عيونه صارن براسه وشبعت رزايل ونوب اريد اسكت هاي متسكت فطست كلش
اخر شي جويسم كال على كيفجن بهدوء نسحبن خل نطلع
يابه ماحجيلكم الموقف عاد وصلنه للباب مال القاعه وجان تلحكنه وحدة كالت ليش طلعتو كللهة والله نعتذر غلطانين بالقاعه مو هاي نفسة الي معزومين بي كالت ميخالف ابقو وكملو السهرة ويانة ترخصنه منه وطلعنه
والطريق كله اني وحماتي نضحك فطسانين وجويسم يرزل عالعملة مالتي
يكلي هاي مادبرتيهة تاريخ ماعرفتي تقري زين
والمصيبه من رجعنه عمتي تلكتنه انتو رحتو للعرس ولي عازمكم ماراح اصلاً يابه شون عرفتي
كالت هسة اخوك اجة وسال عليكم شوماكو احد وكتله معزومين على عرس اخت وسام صاحبكم واخوك يكول يا عرس وساام هسة شفته جان موجود يمي 🤣🤣🤣🤣🤣🤣🤣🤣🤣🤣🤣🤣
كللهة مرتي النادرة اخذتنه للعرس قبل اسبوع من الموعد
خرب شبعت طن رزاله بذاك اليوم
ونوب ماقبل نروح للعرس السبوع الورا كلي لو تموتين اني ذاك السبوع مدري شلون طاوعتج
المكروه ماقبل نروح الباريس
متأكدة محد مسويهة قبلي اخذتهم قبل اسبوع للعرس
😂😂😂😂😂😂😂😂😂😂😂😂😂😂😂😂
أنت تقرأ
يوميات زوجة عراقية️️
Humorمواقف طريفة منقولة لكم بقلم زوجة عراقية️️ وتقول لكم (( حياتنة سر كبير نحتفظ به خلف جدران منازلنا حبيت تشاركوني مواقف من حياتي بيهة حزينه بيهة مضحكة بيهة نطلب النصح لا تخلو المواقف من الفكاهة ولا يعني الشجار عدم وجود الحب العكس هو الصحيح الحب جمع...
