شلون الحبايب
اليوم والحمد لله كعدت الساعه وحدة الظهر طبعاً لا هوة غدة لاهوة ريوك المهم كتله جويسم خل نتريك شي خفيف والعصر نتغدة كلي تمام تمام
صارت مشاحنة بيني بين جويسم ادت الى زعل جويسم 😤 وذهابه الى غرفة النوم واكمال نومه 😴😴اني هم خلصت شغلي بلشت بالغدة جان جويسم ينزل مطنكر الوجه ميكصه السيف 😠😠
مو مشكلة نراضيك جسومي سويتله لفه بيتنجان وبتيتة قبل لا اضيف المركة وديتهة الة اخذهة مني ومحجة شي ورحت اني اكمل التبسي اشو اجة وراي وجان يحضني من ورا ظهري ويكلي اشكرج حبي 😙😙الفة اجنن من ايدج 😙😙
واني اعتذر لان ضايقتج 😙😙 ننسة حياتي اي جسومي ننسه حبيبي ☺️☺️
:
:
:
طبعا هاي بعالم الخيال 😉😉
الي صار انو اجة وراي للمطبخ فتح الثلاجة طلع عنبه وطماطه وكمل اللفه واكلهة ورجع للهول ونوب رجع اجة مرة ثانيه من ورة خشمة عدج بعد بيتنجان😠😠 كتله هيانه بالجدر قبل لا اخلي المعجون رجع سواله لفه وهمات عمبه وطماطة واكلهة واني اكمل اجة ودفعني وخري خل احمي الجاي وحمة الجاي وشرب وهوة ابو الراهي وهوة الزعلان
صوجي سويتلك لفه حرامات ما اكلتهة اني 😉😉😉😉😉
العبرة حياتي لا تحلمين زايد بجويسم في يوم يصير رومانسي ابو كرش دومة هوة على حق
ودمتم سالمين
يابوج يابوج كورونا 🦠🦠
أنت تقرأ
يوميات زوجة عراقية️️
Humorمواقف طريفة منقولة لكم بقلم زوجة عراقية️️ وتقول لكم (( حياتنة سر كبير نحتفظ به خلف جدران منازلنا حبيت تشاركوني مواقف من حياتي بيهة حزينه بيهة مضحكة بيهة نطلب النصح لا تخلو المواقف من الفكاهة ولا يعني الشجار عدم وجود الحب العكس هو الصحيح الحب جمع...
