يوميات زوجة عراقية️️

انا واختي

خل اسولفلكم شغلة باطة جبدي 😤👉
هاي من جنة زغار اختي ازغر مني كلش عصبيه ومن تريد شي اله تاخذة ومن نوع تغار لان اخر العنقود 🍇
فمرة جانت حيل زغيرة واني بعدني مداخلة مدرسه جوارينه عدهم بناء والطابوك 🧱 بالشارع واني اتسلق وي اخوتي على جبل الطابوق فهية تبجي اله اصعد وراج وجان اعثر من كثر الثول ونبت الطرف مال الطابوكة بحنجي وماحجيلكم الدم ولليوم اثر بس بصيط جدا بأسفل فكي
ومرة هم ابويه عندة بستان بمنطقه هب هب بديالى كله بساتين جان كل فترة ياخذنه نكيف زغار ونحب الفواكه والزرع فأبويه صاحلي امونه جيبيلي الطبر🪓 يريد يقلم شجرة المشمش 🍑اني اكدر اشيله واختي زغيرة وظلت تبجي اله اشيله اودي واني اخاف عليهة ظلت تبجي لحت كمت نطيتهة الطبر جان تشيله تريد تضربني عود ليش منطيته الهة كومي وضربيني بي وطاحت الضربه باصبعي ونفتح من الطول وهم خياط وهوسه ونست السالفه
ومرة ابويه اشترة خروف 🐏 جابه للبيت وذبحة صاحلي كلي جيبي السجينه 🔪 الجبيرة تعرفن امهاتنه مو مثلنه هسة السجينه اله زغيرة وناعمه اله  نثرم لاااااا سجينه من هاي المعدله وشكبرهة المهم وهم كامت تبجي اله تطيني السجينه اوديهة نطيتهيا شو هاي شمريهة عليه طاحت الضربه بالعكس بالعظم مال العكس ما حجيلكم ليساعه الاثر
ومرة هم تبجي تبجي تبجي تبجي جيت على امي ماريد انطيهة النفاخ ومن ضوجة امي جانت تكلي 🍳عالطباخ المهم طفر دهم وكع على خدي ما كللكم بقه اثر لا مثل الجرح زغير كلش لان اني ظليت ازلغ بي
ومرة همات جنه نلعب اني وصديقتي الروح بالروح سراب وهية اله اكعد يمكم المهم امي جانت مسويه لوبيه حمرة وصبتلنه اني وصديقتي وظهريه ودانتغدة كومي يا اختي وحشري لوبيايه بأذنهة وكامت تبجي يابه شبيج تكمز اذني اذني صحت الامي وابويه راد يطلعهة مكدر زادت حشر ودخلت جوة اذنهة اخر شي اخذهة للمستشفى عمليه صغرى طلعوهة
بووووووووياي غير ابتليت  وخلصته العمر كله تعيرني من وراج اذني لليوم توجعني يابه اني شعليه لاااااا انتي دخلتي الوبيه بأذني وج وين اكو هيج لااااا انتي والله العظيم السنين كله وهية ما ناسيه وتعيرني وذابته براسي
ذاك اليوم كاعدين جان تكلي فلاونزا قويه كتله الله يساعدج اخذي ابرة مطيبين اذا مو ابرة 💉💊الكبسول ترة وحدة ميفيد جان تكول والله حته اذني ملتهبه وتأذيني وهية منا قبل موتمام من وراج يابه اني ليش اي مو انتي حشكتي الوبيه بيهة 
عاد اني ما تحملت كدام جهاله وجهالي وكبيت بيه كتله الله وأكبر خلصتي العمر صيحين اذني من وراج اذني من وراج واني لا بيهة ولا عليهة انتي حشكتي وذبيتي براسي وكعت من وراج عالطابوكه وماحجيت ضربتيني بطبر ما حجيت ضربتيني سجينه ما حجيت دهن حركني ماحجيت ونتي خلصتي كله وراي تركضين وهوة اصلا انتي الي ضريتي روحج هاي الحجي جهالة خربانين ضحك  بته تكلي خاله كلما نكعد تسولف خالتكم حطت لوبيه بأذني وطلعت هية مسويه الهوايل بيج
طكت مرارتي منهة هههههههههههههههههه وبعد ما عادته

🐥🐥🐣