يوميات زوجة عراقية️️

المنشفة

مساء الخير احبابي 😙😙😙😙

منتبهين هاي الفترة القصص معظمهة مبيهة سالفة الخاولي
وبما انو الخاولي اخذ فترة طويله ويانه بالقصص
حبيت احجيلكم سالفة الخاولي

من ازوجت اول يوم الي عد عيالي اهل زوجي ورة ما رجعنة من الفندق طبعاً احنه قبل مو مثل هسة عدنه معلومات من القصص بامور المزوجين ولا شايفين قبل من اهالينه ولا سامعين فالامور الزوجية قبل عليهة تعتيم شديد

لذلك معظمنه متعرف شنو انواع الخاولي ولا فوائدة المهم
دخلت غرفتي استطلع الاخشاب والغراض مالتي والملابس لاحظت شي غريب اهل العريس مشترين خاوليات ثنين واحد حجمة طبيعي خاولي عادي يعني والخاولي الاخ حجمة جبير كلش جبير الي هية المنشفة وطبعاً اني استغربت هاذ الخاولي شكد جبير زين شعري كله المه بالخاولي
زين من انشف انشف بي بس هاذ حيل حجمة جبير شون اطلع بي من الحمام

اخذله فترة طويله مضموم بالكنتور لان ماعرف شلون استخدمة لأن مرة وحدة دخلته وياي للحمام ولفيت شعري وشفته يسحل وراي فبطلت ادخلة مرة ثانيه المهم

الخاولي او المنشفه اخذله فترة طويله بالكنتور مظموم سنه ورة سنه ورة سنه الى ان اولادي كبرو وطبعاً بكان الخاولي الواحد خاوليات شتريت وبقه الخاولي الجبير بالكنتور
الى ان شترينه بيتنه الي حالياً ساكنة بي
اني بالبيت اعاني بفترة الشته من غسل الكراج لان مييبس المي بعد الغسل اله وصله مسح تنشفه فكمت احير شخلي بالعتبه الى ان قررت استخدم الخاولي
هسة شني فايدته سنين يابو سنين مضموم خل نستفاد منه وكوم وطلع الخاولي ونشف بي الكراج وخلي للرجلين مثل الدواسه بالعتبة حته الي يدخل ويطلع يمسح رجلي 🤦‍♀️

ومنهة وكمت اقرة القصص وتعرف على الخاولي الملفوف على الجسم والمي الي ينقط من الشعر والشامبو وريحته وفوائد المنشفة

انوب كمت كل ما اقرة بارت بي البطله طالعه من الحمام لافة الخاولي على جسمهة اغمهة الگصتي على الخاولي الي ضميته سنين وطلع هوة كل الخير وابو الخير بي

واني يا اخواتي حاطه الخاولي ابو الخير بعتبة ال🚪 للرجلين
😂😂😂😂😂😂😂😂😂😂😂😂😂😂😂😂😂 😂😂😂

ااااه يالخاولي ماعرفت قيمتك اله متأخر