جبتلكم من خزين ذكرياتي فد حدث جداً عزيز على گلبي ولان انتو عزاز علية راح احجيلكم تفاصيل هالحدث 💋💋
فد يوم چنت طالعه وي خطيبي فهوة كلي تجين ويايه كتله وين كلي معليج امشي واني اخذج المكان كلش حلو مثل الجنه
الصراحة اني كيفت كتله وين متروح وياك
طبعاً ما سولفلكم على جمال خطيبي شنو من طول شنو من اناقه شنو من رشاقه سامعين بجماله ولا بالاحلام كان هيج جميل المهم طلعنة
اخذني على جهة البحيرة وشفت يخت واكف وكلي لتخافين صعدي اني وياج وصعدت باليخت
طبعاً مسك ايدي وصعدني واليخت محد بي بس اني وهوة وطبعاً هوة الي يسوق اليخت واكفه اني بجانبه وجنت لابسه فستان وردي فاتح وهوة كان لابس قميص ابيض وبنطرون ابيض
وطلع باليخت ومرينه بنهر مظلل باشجار الزينه وحنه وحدنه المنظر ما احجيلكم مستحيل في يوم ممكن وحدة تشوفه حت بالاحلام على جمال المنظر اليخت يمشي بنص النهر والاشجار اظلل على النهر والنسيم يرد الروح والهدوء الي يتخلل للنفس بس اني وحبيبي والمي والاشجار محاوطتنة
عاد هوة كلي خوما خايفه
كتله ابداً وياك ما خاف
ضحكلي بذيج الضحكة الساحرة وبكل رقه ورومانسيه يغازلني
بعدين وصلنه كدام قصر
القصر صاير بطرف النهر يعني الدرجات مال القصر على حافة النهر لزم ايدي وكلي نزلي نزلت وخليت رجلي على بايات القصر ودخلنه للقصر سوية
كلي هاذة بيت احلامنه وهاذ عشنه اني وياج
ماحجيلكم على جمال القصر ونزاكة بناءة واثاثه الراقي الهادئ تفاجأة صراحة مجان مبلغني انو مجهزلي بيت للزواج وبهيج مكان
عاد وكف كبالي وكلي عجبج
كتله شلون ميعجبني ونته الي مختارة الية
عاد ركع على ركبته كدامي وقدملي وردة حمرة اخرجهة من خلف ظهرة وكلي حبيبتي تزوجيني وتقبلين بهاذة البيت سكن الج فرحت فرحة يمكن محد يملكهة وداريد اجاوبه وجان احس فد هزة قوية صارت جوة رجلية لزم ايدي قوي
وجان تهتز الحيطان كله وفجأة
فتحت عيني وجان اشوف اختي الچبيرة ادكعد بيه وتريد تنطيني علاجي لان جنت مصخنه 😩😩😩
والخطيب
والنهر
واليخت
والقصر
زين حت لو بس الوردة 😭😭🌷
كتلهة وين خطيبي
كالت وج يا خطيب ونتي غاديه نار وجهالج خابرو يبجون يردون يجون ورجلج ميقبل يجيبهم يكول خليهة ترتاح
كتلهة 😭😭وين خطيبي
كلتلي وج انتي صاحية داكلج جهالج ورجلج خابر يا خطيب كعدي وچ ام خطيب خاف حلمانه
كتلهة جان لازم ايدي ويتوسل بيه 😩😩
اريد خطيبي حنزوج بالقصر
واهلي خربانين ضحك عليه 🤣🤣🤣🤣
جنت احلم لان مصخنه وجانت احلامي ورديه بشكل
واختي كل شوي تكلي تدرين احلامج ورديه لان ماكو جهالج يمج ينغصون عليج 😂😂😂😂
واني اكلهة رجعوني للحلم رجعوني الخطيبي
اخ طلعت مزوجة ومخلفه ومسويله عمليه كورتاج وصخنت اثر العمليه وجهالي باقين بالبيت يم ابوهم جويسم
والخطيب الوسيم واليخت والنهر والاشجار والقصر والوردة
طلعن حلم 😫😫😫😫
أنت تقرأ
يوميات زوجة عراقية️️
Humorمواقف طريفة منقولة لكم بقلم زوجة عراقية️️ وتقول لكم (( حياتنة سر كبير نحتفظ به خلف جدران منازلنا حبيت تشاركوني مواقف من حياتي بيهة حزينه بيهة مضحكة بيهة نطلب النصح لا تخلو المواقف من الفكاهة ولا يعني الشجار عدم وجود الحب العكس هو الصحيح الحب جمع...
