يوميات زوجة عراقية️️

العزيمه ٢

العزيمة الجزء الثاني

رجعنه نكمل عزيمة ام سعدون

بعد ما طلع ابو سعدون من المطبخ تنفست ام سعدون

وكعدت تكمل شغلة
نكعت ورق العنب بماء حار وكملت حمس الحم
وكملت بشغل المقبلات حتى تتفرغ للحشوة مال ورق العنب وتلفه

ورجع عليها ابو سعدون

👴 اكلج

🧕🏻 كوول

👴 خوما نسيتي تعزلين حصتي من العنب ومليتيه حامض

🧕🏻 ابو سعدون شوف هذي الجدريه الزغيرة هذي الك
وبعدني ما خاله حامض
شوف هذا الحامض ما خالته بعدني بالحشوة
اكمل جدرك ونوب اخلي حامض
بعد تاكدت لو لا

👴 عاد خليتي الي دبس الرمان لو خليتيه فاهية

🧕🏻 لا الحشوة كلها نفس الشي بس حامض ما خليت

👴 يعني بيها دبس الرمان
اقصد جدريتي

🧕🏻 اي اي بيها دبس الصخمان اي خليت والله خليت وحق ابو فاضل خليت دبس الزمان

👴 هذا هوة انعم الله

اكول لو عازله قوطيتي مال الورق
خاف تطلع موزينات الباقيات
عاد انه اريدنه يموع بالحلك

🧕🏻 لا ماعزلت هوة كله نفس الشي
هنة شكم وحدة راح اخليلك بالجدر مو هيج ردت لو لا

👴 اي اي عفية عليج

ام سعدون

🧕🏻 هاااااااا

👴 او وجعااا غير اريد اسالج شلون ما احجي وياج

🧕🏻 لا تحجي وياي منو كلك اريدك تحجي وياي لاااا تحجي ويااي

👴 عود انه خايف عليج ظهرج ينكسر باعي وجهج شلون تغير لونه
مبين عليج التعب

🧕🏻 والله انه اصيرن زينه اذا انته تسكت وجوز مني
وخليني اكمل شغل

👴 ام سعدون الحشوة مال الكبه كلها راح تلفيها

🧕🏻 اي كلها جبت كيلو برغل هم يالله تكفي الحشوة

👴 ترة هواي كله تسوي
يعني سوي عالمقادير مثلاً سوي عشرة كبايات كافي علينة

🧕🏻 شلون بالله كافي علينه العشرة المن اطيهن

👴 ليش كل واحد كبايتين كافي وتشبع
وهم هذا الجدر شكبرا ورق العنب
وهم اجنحة مدري شكم كيلو
يعني اكل هواي واحسن ما يبقه
الكبة سوي قليل على كدنه شكو كاسرة ظهرج ومسويه كميه مال عشيرة

🧕🏻 ابو سعدون رحمة على امك
احنه بالبيت شكم واحد
اذا بس احنه العشرة متكفينه لان احنه اكثر من خمس نفرات
حويدر والزغير واني وانته وسعدون ومرته وجهاله متكفينه العشرة
شلون لو اختي وجهالها ثلاثه
اخوي وياه شو منو يجي وامي هم
بتك ورجلها او ولدها
شلون فهمني عشرة شلوووون