شايفين 👇الي بصورة هذة المطرب ربيع الخولي
اليوم بالصدفه شفت هذي صورتة وتذكرت ورجعت بيه الذكريااات لسنييين مضت وراحت
من جان عمري بالطعشات
مرة اخوية چان ديحجي وي امي الله ينطيه الصحة والعافية وتكوم بسلامة فديكلهة صديقي خطب ويريدج ترحين بالخطبة مالتة وي امة لان هوة معدة احد امي كلتلة يمة استحي اني ماعرفهم هنوب اروح بخطبة زحمة
كللهة يوم عيب عزمني وعزمج وتعرفين شكد اعزة وستحي اكلة منجي
( للامانة ناسيه اسم صديق اخوية لان مضت سنين طويله )
ورة ايام اخوية اخذ امي وراحو بخطبة صديقة ومن رجعو امي جانت مخنطلة ومو على بعضهة سالناها
تعرفون فضول البنات وكعدنة نستفسر من امي
شفتيهة العروس حلوة
والعريس شلونة حلوو
امي جان جوابة واحد لا غيررر ( مالايكين البعض )
يمعودة وصفيلنه العروس متقبل
زين وصفيلنة العريس متقبل
وچنة قبل نستحي من اخوانة نسالهم على هيج امور
بس انتبهت على كلام امي الاخوية من رجعو من الخطبة كلتله ليش هيج سويت قابل هاي احسن من خواتك وهوة جاوبهة يمة ستحيت وزحمة وراها مافهمت شنو معنى هالكلام اله من جاب اخوية صورة الخطبه مال صديقة دنشوفهة
( للامانة الصورة كانت بيه امي كاعدة يم العرسان وامة للعريس ) خاف وحدة تجي تكول شون نطاه صورة خطبتة لان بيه امي يعني تخصنة
اشوف امي تباوع وتتحسر لما نشوف العريس صديق اخوية عيناً 👇ربيع الخولي بجماله وقيافته وهيبتة والعروس ابداً ما لا يكة وياااا الصراحة تفاجأنة 😯 لان احنه مشايفي
والمفاجاة الاكبر لما عرفنة ليش امي جانت مو على بعضة من رجعت من الخطبة 😂😂
اثاري
صديق اخوية طالب من اخوية يناسبة كايلة اريد اناسبك اذا عدك خوات واخوية كايله لا ماعدي 🤔🤔
فمرة طالبين منهم تثبيت معلومات ( للامانة ثنينهم عسكررين جنود ) وبطريق الصدفة صديق اخوية قاري الملف الي يخص اخوية عن العنوان والسكن والعائلة ومنصدم انو عندة خوات ثلاثة فجاي معاتبة
كايله ليش من طلبت منك نسب كتلي معدي خوات وهاي ملفك يقرة عدك ثلاث اخوات اخوية منحرج فكايله خواتي زغار كلش ميناسبنك فصديقة كايله شون زغار وهنا مذكورة موالديهن اعمارهم بالطعشات خاف انته مارايد نسبي وزحلكتني واني عادك اخو اكثر من صديق فاخوية مجاوبة كايله هاي اني مزغلط بالمواليد ومكبرهن المهم ورة فترة الولد خاطب
ومن رايحة امي بالخطبه ام العريس معاتبه امي ومفتهمة الموضوع وجايه مقهورة وكايلتله الاخوية ليش هيج ولد شاب رفضته
كايللهة ستحيت كونة صديقي كايلتله بيهة شي اخلاقة كايللهة بالعكس وردة مال الله اخلاق وتربيه وسباعية بس مادري حسيتهة صعبة
مو هنااا القهر ( القهر من شفنة صورتة وشكلة عيناً 👇) اني واختي الوجوه تتلاطم 😭😭 ونوب العروس ماراهمتلة 😳
وك ليش يا خوية يا براذر على هيج دكة 😒
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
يوميات زوجة عراقية️️
Humorمواقف طريفة منقولة لكم بقلم زوجة عراقية️️ وتقول لكم (( حياتنة سر كبير نحتفظ به خلف جدران منازلنا حبيت تشاركوني مواقف من حياتي بيهة حزينه بيهة مضحكة بيهة نطلب النصح لا تخلو المواقف من الفكاهة ولا يعني الشجار عدم وجود الحب العكس هو الصحيح الحب جمع...
