مساؤؤؤؤؤ للغوالي 💋💋
واني دافرفر بالفيس شفت حاله سرقة وذكرت موقف قديم تاريخة يعود الى 21 سنة 🤣🤣 كلش قديم ادري وحته مليان تراب المهم
هاي قبل جانت عمتي بحيله وهية چانت تروح للسوك وتسوك
فدائما ترجعلنه مبيوكة يوم جزدانهة يوم اللحم خامطينه وهكذا
ذاك اليوم هية جانت راجعه من السوك واني اجيت كعدت يمهة وكامت اطلع بالمسواك واني اخذ منهة وودي للثلاجة وجان انتبه جزدانهة يمهة بالكاع
بدون ما تنتبه وجان اجر الجزدان وخلي بعبي يعني تحت الدشداشه يعني بصدري الصراحة اني جانت نيتي اخليهة ادور وتتعب بعدين انطيهة الجزدان بحجة داشاقا وياها بس الي صاار 🤣🤣
هية نتبهت ورا ما خلصنة تعزيل المسواك جزدانهة ماكو دورت كلبت بالعلاليك ماكو دخلت طلعت ماكو
كتلهة عمة شبيج كالت جزداني ماكو
كتلهة عزززا بس لا انباك منج كالت واللة يمكن باكوني بس شون واني اذكر من رجعت هوة بيدي هذا الحجي الجزدان بصدري وخاله ايدي علي وضحك عاد هية خطيه كعدت اخذتلهة صفنه صفنتين
لابت لابت واني اباوع عليهة ودور وياها وضحك وخالة ايدي على صدري وكل ما يطلع شوي من الجزدان انتبه ورجعه اخر شي داخت وايست تلكة جزدانهة وهية جانت جامعه بي خوش مبلغ المهم
تعبت من الدوارة وايست جان يجي حمايه من الشغل ونتبه على امة وحالهة وسالهة شبيج كلتله جزداني انباك ومصرفي راح كللهة صدك حذب وجهج اصفر علمود جزدان اني اعوضج واني خالة ايدي عالجزدان لا يطلع راسة ونفضح
بذاك الوقت ماذكر شكد حمايه نطاها تعويض عن جزدانهة
انوب اجتي حماتي من الدوام جانت موضفة قبل الزواج وهم شافت امهة وحالهة وهم عرفت جزدان امهة انباك وهم كلتلهة لا تهتمين اني اعوضج وهم نطتهة بوكتهة مدري شكد ونوب اجة عمي من شغلة وهم تلكته تشكيله ضياع الجزدان وهم عمي ما قصر شال ونطاها وكللهة لا تنقهرين
واخر شي اجة جويسمي وتلكيته اني وكتله مادريت غير عمتي اليوم نخمطت وحجيتله المقتل وهاي الحجي والجزدان بصدري وضحك على روحي يا ساعه يطفر من صدري ويفضحني وهم جويسمي ما قصر كلهة صدك جذب وكوم ونطيهة وعوضهة 😂😂
هذا الحجي للعصر عمتي لمت تعويض بكد الي بالجزدان واكثر هم 😂😂
اخر شي جان تخابر اختهة جان بوكتنه ذاك التلفون الارضي وهذي اخت عمتي بيهة طبع الخبر يوصل يمهة ويطششش يطششش يطشششش
شلت التلفون وبعد السلام والتحية كالت وين عمتج عاد اني صحتهة بس اني شنو نجر بوشي عمتي اكيد اذا حجت عالجزدان اختهة مراح تقصر ويطش الخبر ونوب بعد ماكدر اطلع الجزدان لان حصير عليه تهيمة فكعدت يم الدرج وباوع على عمتي شوكت تحجي دالحك الروحي
وهية هم ماقصرت بعد التحية والسلام وذيج تكلهة شلونج وعمتي اجاوبهة شلوني يا خية غير اليوم نهبطت هبطة وجزداني نباك عاد اني هنا طفرت وجريت الجزدان من صدري وكللهة
والله ما انباگ والله ما انباگ
هيانة جزدانج محد باكة بس لتحجين 😂😂
وما شوفلكم اله عمتي سدي التلفون وطفرت عالجزدان ولج وين ليكيتي كتلهة اصلا لا ضاع ولا انباك اني ضميته داشاقه وياج
😒😒غمتني
كلتلي مانقهرتي علية واني ادور ومفرفحة 😂😂 كتلهة موزين خليتج تحصلين عدالهن وهمات جزدانج رجعلج
كامت كل ماترجع اضمة رأساً 😒😒ليش جذي يا عيوني
أنت تقرأ
يوميات زوجة عراقية️️
Humorمواقف طريفة منقولة لكم بقلم زوجة عراقية️️ وتقول لكم (( حياتنة سر كبير نحتفظ به خلف جدران منازلنا حبيت تشاركوني مواقف من حياتي بيهة حزينه بيهة مضحكة بيهة نطلب النصح لا تخلو المواقف من الفكاهة ولا يعني الشجار عدم وجود الحب العكس هو الصحيح الحب جمع...
