ولتقيناااا بموعد اخر من جديد 🌹🌹🌹🌹🌹 بقلم ام عبودي
طبعاً ام سعدون اخذتلهة يومين تعبانه وصحتة مو شي من ورة السن الي سوتة يم الدكتور او ورة ثلاث ايام حل يوم الخميس وراحت مراجعه جلسة ثانية للدكتورررر هههههه خل نشوف شصار هناك يم الدكتور
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
🧕🏻مسة الخير عليج ام ابراهيم فطور العافية عليكم ان شاء الله
👩🏻🦱ميت هلة ام سعدون حبيبتي شلون صرتي بشريني
🧕🏻نعمة فضيله من الله چاااا غير ظليت على الحبوب الكتبلياها الدكتور والحمد والشكر صار احسن
👩🏻🦱وشوكت الجلسه الثانيه دادة مالتچ
🧕🏻يااا اااا چااا مو كليتلج ذاك اليوم الخميس موعدي وكتيلي عود احجيلي شيصير وياچ وهل اجيتچ اليوم ماكدرت اجيچ البارحة چي التهيت بالفطور كلت من نخلص فطور امرچ حت نكعد شوي ورتاح من دوخة البيت
👩🏻🦱اي والله خية نسيت اعذريني لهيت بالفطور واليوم خطار عدي چانت اختي وعياله وياها المهم شسويتي بسنچ
🧕🏻يا دادة كعدت الصبح شفتهم كلهم نايمين والزلمة طالع الشغلة
كلت اروحن من وكت حتين ارجع من وكت ولحك على الفطور
لبست بساع وقفلت ورحت للعيادة لكيت كدامي ثلاثة واني رابعتهم كلت يا الله همزين قبل لا الوادم تلتم يابه يالسكرتير سجل اسمي سجل اسمي ولنه منطيني رقم 22 يااااع
چاااا ذول كاعدين بس ثلاثة واني رابعتهم
👩🏻🦱ههههههههه ام سعدون ذولي يحجزون ويرحون ويرجعون ويه جية الدكتور
🧕🏻 اي حبيبه اعرف هاذ الحجي صارت الساعه بالوحدة الظهر يابه يالسكرتير ساعه بيش يجي الدكتور كال بالوحدة ونص
ام ابراهيم ما كلج السكرتير لا يسمع ولا يشوف نظرة كلش ضعيف
👩🏻🦱يايايا وشلون يسجل الارقام والاسماء مال المراجعين
🧕🏻چااا انه هم كلت مثل حجايتج ثاري الزلمة يخلي المراجع هوة يكتب اسمة بالكارت وعودين السكرتير يسجل الرقم هاااااا ويحط الورقه كلش كدام عينه اله يشوف
👩🏻🦱ههههههههههه ههههههههههه ادري متوازي ميشوفله واحد نظرة زين يخلي سكرتير
🧕🏻والله يا ام ابراهيم ما ادري يجوز الزلمه فقير وعدة عائلة المهم
دادة والساعه وحدة ضبط وجان يجي الدكتوررر انة كلت يا الله راح اخلص من وكت گبل لا الناس تلتم
دخل للغرفة خية الدكتور وبعد ما طلع
وهسة يصيح وهسة يصيح وهسة يصيح وماكو ولا نفس
👩🏻🦱يايايا عود صدك هههههههه
🧕🏻اي والله يا خية وانه كاعدة وتكرضم وصارت الساعه وحدة ونص والدكتور ماكو منه خبر دخل بعد ما طلع والناس كامت تجي ولي رقمة واحد ولي رقمة اربعه ولي رقمة سبعه انه كلت هاي الظله مالتي اليوم
أنت تقرأ
يوميات زوجة عراقية️️
Humorمواقف طريفة منقولة لكم بقلم زوجة عراقية️️ وتقول لكم (( حياتنة سر كبير نحتفظ به خلف جدران منازلنا حبيت تشاركوني مواقف من حياتي بيهة حزينه بيهة مضحكة بيهة نطلب النصح لا تخلو المواقف من الفكاهة ولا يعني الشجار عدم وجود الحب العكس هو الصحيح الحب جمع...
