يوميات زوجة عراقية️️

تجربة

صاحبتنة ام سعدون حبت تعيش المغامرة

فد مرة مسيرة يم مرت حماها الي هوة اخو ابو سعدون وشافته مهمومة سألته

🧕🏻 خيرج ام مصطفى شو عصبيه

- شفتي شفتي حماج الشفيه يريد يزوج

🧕🏻 هااااا ياهو بيهم ولج

- منو يعني اقصد زوجي العزيز قابل ما سمعتي بالصار

🧕🏻 ياء ياء ياء كولي غيرهة رجلج يزوج شون ولج
والله هسة اله سمعت منج شون وج فهميني شنو القضيه

- شفهم منج ام سعدون  معقوله محجتلج عمتي
ذاك اليوم اجانه ابن عمتي وكعد ديسولف ويكول اكو وحدة موضفه وعدة بيت وحلوة وتريد رجال يستر عليهة وحت جهال ماعدهة ولي يزوجهة يكعد وياها ابيتهة وهاذة رجلي ما صدك كوم ونسق امورك وهسة جايني يريد يزوجهة

🧕🏻تحجين صدك ولا اصدك ابو مصطفى يموت عليج وشنو هسة مافهمت يعني ناوي النيه من صدك لو لهو شو السالفه ما خاشة عقلي

- لا يدادة ناوي النيه وكاعد يقنعني انتي بيتج وهية بيتهة وخليني ازوج

🧕🏻 ياء ياء ياء عودين صدك ونتي شو جن عدج عادي وج احجي شسويتي وشكتيله

- شكلة يعني كتله عادي ازوج واني شكو

🧕🏻 جذابه من ورة كلبج وشون تطين رجلج ونوب هوة اصلاً شجاااا  صدك جذب والله ما سمعنه وحت ابو سعدون مايدري تردين اخلي اخوو يحاجي

- ابد ما اقبل قابل زغير ويحاجونة خلي هوة فاهم ويعرف شيريد لا يحاجي ولا شي

( ورة فترة من الايام ام سعدون راحت يم مرت حماها مالكتهة ابيتهة وسالت عليهة طلعت المرة ماخذة ابنهة الزغير وطافرة ورجلهة يدور عليهة ومالاكيهة يخابرهة تكلة معليك مني روح ازوج  يتوسل بس دليني مكانج متقبل تالي خابرتهة ام سعدون وعرفت مكانهة وين ورة فترة رجعت البيتهة المرة ورجلهة بطل من فكرة الزواج لان شاف نفسة راح يخسر زوجتة الاولى وابنه الزغير وسيرت يمهة ام سعدون )

🧕🏻 هااا ولج شون لكاج والله دولبتي الزلمة لعد مو تكولين عادي وعادي شو خليتي يفتر حوالين نفسة

- وداعتج لوما يحلف اغلظ الايمان فلا ارجعلة اصلاً انه جنت مرتاحة بيت عمي بس ردت اجر اذنه وحسسة بقيمتي وحجيلج الصدك من صارت ساعة الجد اشتعلت ناار ناررر وماكدرت احملهة الى ان طفرت وتوبته

🧕🏻 ؟؟؟؟؟؟؟؟؟؟
والله شكلج والله عاذرتج والله بس شفتج اول بدايه هادئة كلت هاي ما مهتمة شو هسة صارت نارر ومشتعلة المهم جاز رجلج وصحى على روحة باخر لحظة جا ضيع عائلته

( ورة فترة همات ام سعدون التقت بصديقة اله من الجيران  وهمات جانت تعاني من رجلهة وخياناتة وكعدن ي سولفن )

🧕🏻 ادري بالله رجلج ماتاب مو ذاك اليوم طلع من حلك الموت  غير يحمد الله على النعمة ولا زال عايش وبنياته حواليه ونا شاء الله انتي لا قاصرة ولا انتي تاركتة شو شلتي شيول بيوم الحادث

- حظي يا دادة حظي نوب اروح الاهلي يديرون وجهم احجي ويااا ماكو فايدة ونوب محد ياثر علي مليت وجزعت والله كل ما اكتشف خيانته اموت وحترك بدمي

🧕🏻 ؟؟؟؟؟؟؟؟؟؟
الله يهدي عليج ويهدي سركم لابد ما يجي يوم ويلتفت البيته ويترك هالنسوان المابيهن حظ

( ومرة لاخ كعدت يم اخته الي تعاني من زمان من اهمال زوجة الهة وخياناتة ودوم تشكي الاختهة ام سعدون عن وضعه الي تعبت وما تتحمله  فحجت وياه ام سعدون )

🧕🏻 ونتي تظلين هيج تحركين بروحج ماتعودتي علي هوة من الاول هاذ طبعه كافي رحمي نفسج وعيشي الاولادج وبطلي تتاملين منه اهتمام

- ااااه يا اختي شسوي كليلي ما مرتاحة لا هوة الي عافني اشوف حياتي ولا هوة الي نعدل وياي كبرت وانة ماحاسة روحي مزوجة والمصيبه رجلي موجود  محسوب علية رجل وانة محرومة من الزواج

🧕🏻وظلين تنوحين وحتين راسج صار ابيض من القهر عمي عيشي النفسج والاولادج مدام ما يعوفج هاي شسوين خلي اسمة رجال  كدام الناس وربج يلطف بيج ويعوضج عن التعب التعبتي

- ميحس بناري بس الي ضايكة الوعة خية اشوفة كاتل روحة على هاي وذيج وانه مرته كدامة ولا جنه يشوفني يا دادة ناري ما تنطفي موجرة

🧕🏻 ؟؟؟؟؟؟؟؟؟؟
حظج المصخم بعد الله يهدي سرج ويبرد كلبج بعد اختج

( وصار اكثر من حالة كدام ام سعدون  نسوان يعانن الخيانه هاي الي يزوج عليه وهاي الي مصادق عليه وهاي ما مهتم بيه وام سعدون صار عدة احساس غريب شون تجرب هاي النار الي يكولون عنة )

( وبيوم مجتمعه هية وصاحباته وقررت تحجيلهن الي بداخله حت تشوف شنو المقصود بالنار الي تحس بيه المرة المغدورة )

🧕🏻 اكلجن عود ردت اسالكم هاي وحدة صاحبتي رجله زين وياااه وطيب وخير ويحبهة وما مقصر عليهة وهية هم تحبه وما مقصرة ويااه وصارلهم عمر سوة منسجمين شو تكول اسمع بالنسوان وغيرتهن وهاي النار الي تشب بكلبهة من خيانه رجلة لو من يزوج رجله عليه شون اصير هاي النار  تكول شو جن عاجبني اجرب هالشعور تكول جاي يوسوس لي الشيطان ازوج رجلي

- منيه هاي شو بالله كليلي هاي يا بطرانه
- ام سعدون تحجين صدك جايزة من روحهة وتريد اجرب النار
- والله يا دادة اول مرة اسمع مرة تدور خراب بيته
- هههههههه هاي تلكيه لا شغل لا عمل لا هم لا غم ودور  طلايب

🧕🏻لا والله خطيه شون ماعدة شي بس مدري شجاها وسالتني شنصحهة وكتلهة جوزي ولمي بيتج ولا تحطين روحج بموقف ما تكدرين تعالجينه

- اووووف عساااه تضوكة هالنار وتحس بيه وذيج الساع تعالو الحكولي
- والله من كون صدك ويزوج عليهة وعود وصليلنه اخبارهة
- عمي كليله كعدي وستجني شلج بهالطلابه النسوان جاي تصيح الغوث وهاي تريد اجرب النار

🧕🏻 ؟؟؟؟؟؟؟؟؟؟؟؟؟؟؟؟

( هههههههههه بعد ما سمعت اراء صاحباته ام سعدون جر بوشة وخاصه صار بيه دعاوي عليهة وهنة ما يدرن المقصودة هية نفسة ام سعدون عاد خافت وسكتت وما كالت الي يدور ابالة
وخافت لا صدك الدعاء يصيب ونوب تتورط وكعدت وسكتتت وبطلت لانار غيرة تريد ولا نار حراكة تريد هههههههه )