يوميات زوجة عراقية️️

قسمة ونصيب

مشهد الثاني 🦋

مخطوبه وغصب يفلانه ..... خطبوني ورضيت انه

يذبحوني من اصيحن لا وصيرلك خبر كان

لبست الخاتم بأيدي ..... ويأيدي حيل حزنانة

هلاهلهم الي يفلان ..... ولچن موش العروس انة

وگل الشامت الي جاي ..... اگله روحي حيل حزنانه

صدك مجبورة يفلانة
وصدك باچر يزفونچ
وعسنة لا يجي باچر
وشوفن دمعه عيونچ

🦋🦋🦋🦋🦋🦋🦋🦋🦋🦋🦋🦋🦋🦋🦋🦋🦋🦋

احياناً مواقف تصادفنه بحياتنة تطبع بالذاكرة لو شكد متمر عليهة سنين الذاكرة تبقه خازنته وتذكرنه بيهة باقرب فرصة وبأقل موقف ؟

اتصلت بية صديقتي  بعد السلام والكلام والاستفسار عن الاحوال فاجأتني

- اريد اعزمج بس الله عليج مو متجين

- على شنو تعزميني غير اعرف اول

- خطوبه منى حماتي الخميس

- 😳 منى حماتج ازغر وحدة بخواتهة  مو لو اني غلطانه

- اي ازغر وحدة بس بعد تعرفين اختاروهة لان هية احلاهم

- منو خطبهة ؟؟

- ابن خالتهة والخميس الخطبه

- زين على كيفج ويايه ترة دخت  ؟؟ هية مو طالبه وتدرس وحسب علمي كله تطلع اعفاء وتحب الدراسه شعجب وافقت تعوف المدرسه وتزوج

- ومنو كلج اموافقة اصلاً على عمة عينهة

- 😳 يابه لا تخبليني دخيل ربج شنو خطوبتهة الخميس وشنو ما موافقه

- هههههه هسة افهمج هية تعرفيهة متفوقه بدراستهة ودومهة من الاوائل بس هذا ابن خالتهة وحيد اهلة لا عدة اخت ولا عدة اخو  واكيد بعد عمر طويل البيت يصفه اله وطبعاً اهلهة بس تقدمولهة رأساً وافقو رغم هية ما موافقه بس قنعتهة امهة

- ودراستهة

- شرطو علي شرط تكمل وهوة وافق امة كالت احنه ماعدنه شي تخلص شغلهة وتدرس مو مشكلة

- ماعرف شكلج بس اني اشوف هذا الزواج ولا ناجح اذا البنيه ما موافقه وتريد تكمل واصلاً بعدهي زغيرة كلهة على بعضهة بالرابع ادبي خل تتخرج وبعدين ما طاير الزواج

- ومنو يسمع حجت وكالت بس تعرفين بعد خالتي وحطت براسهة البيت يبقه بالنهاية الهة وقنعت الكل حته ابوهة من شافهة رافضه وتبچي كللهم مبلازم ممجبورين ننطيهة
بس خالتي عرفت شلون تسكتهم

- ولج والبنيه خرب انه وافقت لو قتنعت لو شنو الفلم

- لا الصراحة لا مقتنعه ولا موافقه بس امهة منطتهة مجال  هسة عوفج تجين الخميس