يوميات زوجة عراقية️️

موعد مع الحظ

ولتقينااااا بموعد اخر من جديد🌹🌹🌹🌹🌹  بقلم ام عبودي

اريد احجيلكم قصتي وخذو العبرة منهة
المرأة كائن رقيق حساس  متكيف مع كل الظروف  وقوي اقوى من الحديد وأحد من الزجاج هاذي قصتي

🌹🌹🌹🌹🌹🌹🌹النهوة🌹🌹🌹🌹🌹🌹🌹

يالله بنتي رددي وياي زوجتك نفسي على مهر مقدمهُ ...................... قولي قبلت

👰قبل؟؟؟؟؟؟؟؟؟؟؟؟؟؟؟؟؟

🧔🏻شنو هالرمي انتو متستحون  لك انته شجابك تالي وياك محد واكف بعينك

👱🏼‍♂️والله اليوم لو كاتل لو مكتول بأي حق هاذ المهر يصير بت عمي ناهي عليهة وذا تم هاذ الزواج اطلعه للعريس الهيبه محمل بدمة هالزواج ميصير مدامني عايش

🧔🏻بالله جايبلك هالشدة من الخوان واولاد العم حتة تنهي ولك ماواكف بعينك اني عمك شتريد انته شتريد ماتفهمنة شتريد

👱🏼‍♂️هالزواج ميتم لو على كص ركبتي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هاي اني بنت حالي حال اي بنيه حبيت ابن عمتي وهوة هم حبني حب طفولة وكبر وي كبرتنة والحمد لله وفه وياي وخطبني وبيوم عقد المهر وقبل لا السيد يتمم العقد دخل ابن عمي ورمة وهد ويه اخوته ولد عمة علينه ومنع زواجي من ابن عمتي مو حباً بية ولا لأن رايدني لالالالا
كرهاً بابن عمتي لان بينهم طلايب ما نحلت او وكعت النهوة على راسي
اني البنت المثقفه الخريجة الجميله الكل يحلف بخلاقي وادبي اصبحت منهي علية نحرمت من حبي من حبيبي من سنين عمري وأصبح زواجنة مستحيل شكد حاول ابن عمتي يتفاهم وية ابن عمي بس مفاد شكد حاول ابويه يفك النهوة وهم مفاد وبقيت معلكة بأسم النهوة لكن اني ما وكفت عند هالحد وبس لا لا لا شوفو شسويت

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الف الف الف مبروك الشهادة الجبيرة ماجستيررر يابه منو كدج
- اشكرج حبيبتي هداوي يوم الالج ونحضر حفله ما جستيرج

- والله حبيبتي تعرفيني ماكدر هسة وضعي يختلف زواج ورايه وتأخر احتمال على سنة التجي اقدم

- حقج عفيه ادعيلي يوم الي تنفك النهوة عني واني همات اشوف طريقي

- هاذة ابن عمج من كل عقله زين مو ازوج وخلف شيريد بعد ما كافي لا هوة الرايدج ولا هوة الي عاتقج

- شسويله الحظي شكد كلوله تريدهة اخطبهة بس هوة ميقبل يكول نكايه بابن عمتهة ماخليه تزوجة

- هوة حته ابن عمتج هم ابتعد وشاف حياته صح مازوج بس بعد هاي هية شيريد ماكافي دمركم
- اووووف خليه صنطه الله كريم لابد يوم والكة حل

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
طبعا اني تخرجت واخذت شهادة الماجستير وتوضفت بمكان كلش مرموق واصبح عندي مركز وضيفي والي شخصيتي وكياني بس بعدني منهي علية ومع ذلك ماوكفنتني النهوة عن الاستمرار ببناء مستقبلي وفد يوم كاعدة بالمكتب ودخل علية شخص
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟