يوميات زوجة عراقية️️

عملية ابو سعدون

ابو سعدون عدة عملية 😁

ابو سعدون صارله فترة يتخربط ويتعب
الرجال صحته مو تمام

وكل مرة الدكتور يحددله موعد عمليه
وسبحان الله ميصير
اخر شي فاجأ مريته بالموعد الي حددة الدكتور باخر مراجعه
ضروري يجروله عمليه رفع مرارة

👴 ام سعدون الدكتور يگلي عگب باجر تجيني للمستشفى
حتى اندخلك عمليات

🧕🏻 ياااا چااا مو كالك بعدهي بيهة مجال

👴لا والله شو اليوم من رحت للمستشفى
كلي ضروري نرفعهة
وسوالي تخطيط قلب وفحوصات وتحاليل
كملتهن

🧕🏻 چااا بعد هذا هوة اذا مابيهة مجال
خل تخلص موتتنه يوميه متخربط وحايرة بيك

👴 چااا هية عافيتي منين راحت غير من وراج

🧕🏻 اممممممممم

كعدو الصبح جماعتنه الساعه سبعه يتحضرون للطلعه

👴اكلج بالسبعه ونص نروح
الدكتور كال تجي من وكت
حتى تفتح طبله
ويدخلوك

🧕🏻 ابو سعدون
هاي الشغله نعرفها
همة الموضفين مايجون اله الساعه ثمانيه لو ثمانيه ونص
بعد احنه رايحين غباشي شعدنه
والله ننشتل ونتعب وزين اذا دخلوك بالعشرة للصاله

👴 هااا هيج تكولين

🧕🏻 اااي خل تصير بثمانيه ونروح
وهم جاي اشوف الجو تراب يكتل

سمع الرجال كلام مرته وكعد
ومن صارت سبعه ونص وكال الهة

👴 اگلج هوة هنا ننتضر وهناك هم ننتضر
عود اكول من وكت احسن

🧕🏻 انه ادري بيك ما تستچن
يالا امشي خل نطلع
عود هم يجي وياك اخوك

👴 اي اي كال الي اجي وياك

🧕🏻 چااا خوش
اكلك
عود احنه هم نحتاج شي ناخذ ويانه

👴 هااا انه ماعرف انتي تعرفين اخذي وياج احتياط

🧕🏻 شنسوي بيهن هوة انه هواي رايحة مستشفيات ما نحتاج شي
وانته بكل الاحوال العصر يطلعونك
خل نتوكل

وطلعو الجماعه من بيتهم بوسط عاصفه ترابيه مهولة
ومرو على اخو ابو سعدون  واخذو وياهم

وصلو الجماعه للمستشفى
وكملو الاجراءات واخذو ابو سعدون للردهة الى حين
حضور الدكتور المختص ابحاله ابو سعدون

🧔🏻‍♂️ تعااال حجي وين رايح
تفضل

👴 هااا مو انه عدي عمليه اليوم وهذا الدخول مالتي والطبله

🧔🏻‍♂️ اي حجي صار وتدلل وين المرافق الي وياك

👴 هذا اخوي وزوجتي
🧕🏻🧔🏻

🧔🏻‍♂️ حجي
يدخل وياك للردهة واحد فقط مرافق الك
المرة تبقى تكعد هناك بالانتضار
اصلاً انته شكو جايبها
هية ردهة رجاليه