يوميات زوجة عراقية️️

الخطبه ( الجزء الأول)

البارت الاول

مساء الخير

اني هنودة عمري الحالي 40 سنه

اليوم التقيت بشخص أقاربنة يصير ابن خال امي اسمة كريم

جاي زيارة للوالدة يطمن على صحتهة طبعاً هذا الشخص يملك روح فكاهية رهيبة وصاحب جلسة خفيفة
ابداً من تكعدون يمة متملون ودائما يضحك ومبتسم  واخلاقه عالية فاول مشافني گلي

ايبااااه هند كبرانه  بس بعدج حلوة مثل ما جنتي

اني ضحكت وجاوبته اشكرك ابو علي ربي يحفظك ونتة هم ماشاء الله بعدك شباب وبعدهي ضحكتك مثل ما هية  ههههه عاد هناااا هوة گال جملته الشهيرة
يااا ضحكة بعد هوة ( الي يزوج يعرف يضحك )

هههههه كتله هاي شلك بيهة اذكرك اذا ناسي شسويت

خل اسولفلكم موضوع كريم ابن خال امي

كان يا ما كان في قديم الزمان

احنه ثلاث خوات كولنه بالمدرسة اختي اعدادي واني متوسطه والزغيرة ابتدائي وعندي اخوتي الكبار عسكريه واخ واحد بالمدرسة
غرفة امي وابوية جوة بالطابق الارضي

وغرفتنه احنه البنات فوك
وغرفة الولد همات فوك

وبما انه احنه طلاب فالصبح  اي واحد من عدنه يكعد يكعد البقيه واذا ما كعدنه اما امي تكعدنه او ابويه يصعد يكعدنة

وفد يوم مثل باقي الايام كعدنه كلنه تريكنة وطلعنه  المدارسنه ومن رجعت من المدرسة شفت امي مخبوصة بالمطبخ وابوية مسوگ مسواك مال عشيرة شسالفه دخلت الامي

الله يساعدج يمة شنو هاي المسواك والطبخ شبيج يمة مخبوصة

ويساعدج يمة روحي نزعي هدومج وتعالي تغدي

بس فهميني شبيج  مخبوصة

اليوم خابرني خالج الچبير من البصرة ويكول خالي راح يجي البغداد ويمرون بية وداحضر الغدة خاف من وكت يوصلون وذا يتاخرون هم فاحضر العشة

خالج خالج الله عليج يمة خالج راح يجينه صدك والله راح نشوفة واخيراً بس شعجب يوم ذكروج هسة ويجون

ًوج ذبحتيني شكد تسألين دروحي نزعي وتعالي تغدي

دحچي عاد شعجب خالج راح يجي

يردون يخطبون الكريم هاااا ارتاحيتي

وهلة وهلة وهلة وخطبه ومهر وزواج وهلة وهلة وهلة

ادبسززز فضيهة عاااد

هههههه خل احجيلكم عن خال امي طبعاً اني مشايفته بس سامعه بي

خال امي يا محفوظين السلامة حسب ميسولفون عنه  رجال يحب النظافه والكشخة بشكل يعني يوميه الصبح يحلق لحيته ويتخبل من واحد يكله حجي لو انته شايب ينجن ويموت على الشخص الي يمدحة ويكله بعدك شباب هاااااا وكعدته وسوالفه محد يمل من عدهة بحيث والدي الكعدة الي بيه سوالف خال امي عدة اجمل شي بالحياة يعني ابن خال امي كريم شكد كتلكم صاحب ضحكة ابو  الي هوة خال امي اضرب من عدة بحيث الكعدة والسوالف فد شي خرافي وكلهة تسولف بسوالفه  بحيث المكان الي يكعد بي خال امي كلهة تروح اله  تتعنالة حتة تشبع من سوالفه هااا ويمتاز بالشجاعه والوطنيه يعني عراقي محب للوطن حد النخااااع وعندة بطولات الكل تسولف بيهة

المهم  بين غدة وبين تعزيل وترتيب وصل الخطار من البصرة الي يتكون من

خال امي وابنه كريم الي هوة العريس واخته الكريم يعني بت خالهة الامي وياها بنتهة بنيه زغيرة شكرة حلوة تخبل

بعد السلام الحار والترحاب والغديات والمايات والجايات دخلنه سلمنه عليهم وكعدنه يمهم وفعلا مثل ما وصفوهم ناس كعدتهم عبارة عن جيب بطن واضحك ههههههههه

امي سالتهم ؟؟؟؟ انتو جايين تخطبون معينين مرة لو تردون ادورون لو شنو بالضبط عاد هنا بت خال امي كالت

ام عادل الحجي بيناتنة احنه وصفولنه  بت ابو سعد بنيه حبابه وفقيرة ونتي بعد تعرفين ابو سعد وام سعد الله يرحمهة شون ناس طيبه وفقرة وهم مو غربة يعتبرون اهلنة وكلنه ناخذ منهم بتهم الچبيرة شتكولين ام عادل همة دائماً يتواصلون وياكم ويسيرون عليكم وانتم هم تسيرون عليهم شتكولين اقبال مناسبة الكريم لو لا هنااا كريم ادخل وحجة

ام عادل ترة انة البنيه مشايفهة الله عليج كولي اهم شي حلوة
خوما بعد اخوج ترديني اصبح بخلاق ونام على وجهي جفي من الخرعه

ههههههه نعل بليسك كريم لا ان شاء الله تعجبك انته شوفهة وحكم

عاد هنا ادخل خال امي وحجة
طاح حظك وحظ اخلاقك من زود اخلاقك ودور جمال دكول اهم شي المهر كون لا يغلون علينه ولا يطلبون ولا يشرطون عود ذيج الساع كشف عز...... ك ودفع مهر خايب كم يدورلي جمال

طبعاً كريم حلكة وكع من الضحك وحنه فحطنه لا وجماله متقبل الرزاله بكل روح رياضيه انوب اندار على امي

بعد خالج بت اختي  ماتعرفين همة شكد يردون مهر وشيردون نيشان للبت امي جاوبته

خالي وين اعرف اني اصلاً ولا سمعت اله هسة منكم تردون تخطبون بت ابو سعد شمدريني بعد بالمهر بالنيشان انتو غير ترحون وتسمعون منهم وهم فقرة ماعتقد يبالغون بالمهر

يعني شكد شكد بعد خالج مهر مثلاً يطلبون

خالي فدوات رحتلك ههههه شمدريني

زين انتي تاخذينه الهم تمشين ويانه عليهم 

اي خالي اروح شون اعوفكم

وبدت رحلة ال خطبة الكريم