ولتقينااا بموعد اخر من جديد 🌹🌹🌹🌹🌹 بقلم عبودي
( نصيبك يصيبك لو شما عكست الضروف ) الجزء الثاني
زينب وج زينب
هااااااااا ترة ما طلعت هاي
نجبي خليني محترمج
مو اني اعرف ليش محترمني 😒
جوكة خوات عندي ولا وحدة بيهة حظ وصاحبلهة بنيه لعد بس تعرفن اجرشن سوالف
وهسة المطلوب
معقوله لحد الان ما دبرتيه وصادقتيهة
اكلك هاشم ترة مو كوة هية بنيه عدهة صديقاتهة اجي افرض نفسي عليهة ليش علمود شنو يابه شكو اخويه معجب باختج ويريدني اصادقج حته يعرف اخبار اختج ترة عبالك حزورة
وجع هاذة الي فالحة بي اوووووف وهاي شلون راح اعرف اوصللهة بس سهلي امر وصادقي اختهة
صار بلكي باجر احارشهة بحجة الامتحان والله كريم
احلى هديه اذا جبتيلي الخبر
.......................................
ان عطايا الله جميله ومن غير حساب
......................................
صباح الخير امونة
صباح الخير شنو ابتهال اليوم مداوم
لا غير البارحة شلعت سنهة واليوم مورم ومصخنه
خطيه
امون اريد اكلج شي بس بداعت الخوة بيناتنة
صدك جذب تعرفيني احجي
لا والله بس خاف يعني
فهمتج ولا اطولين السالفه احجي شكو
ولج اكو واحد يوميه الصبح اشوفه واكف تحديداً ساعه سبعه وربع ضبط وج شلون شاب
هالله هالله هالله اااي كملي والله يا افتخار وطلعتي مو سهلة
وجع سويتيهة سالفه داكلج واكف ما كلت ماشيه ويااااا
وشعدة واكف هااا خاتون
صدك تحجين مئات الطالبات الصبح يطلعن شمدريني على منو واكف بس هيج عجبني وكفته وطوله
وبعد وبعد وشكلة وجماله الله عليج افتخار حلو
والله هوة من ناحية حلو هوة حلو وهيبه هيج تحسين شكلة
يا الله اول تالي اسمعج معجبه لاا وتوصفين ههههههههه
وجع عود ردت اسرج
وداعتج سرج ابير بس شوفينياا
باعي هسة مو راح نطلع عالشارع العام اكيد نلكا واكف وتشوفي
وشمدريج راح يوكف
صارله شهرين على نفس الوكفه ونفس الوقت لا غاب يوم ولا تأخر الوقت يوم
ايباااا ونتي ظابطه وكفته والساعه والشكل
وج مو صوجج صوجي اني
لالا هاي هية والله بعد ما احجي هههههههههههه
شوفي امونة هيانة واكف بالركن شوفي ابو الاسود
ولج هاذ ابو اللحية الحليوووو
اي هههههه هوة مو كتلج حلو بس لو اعرف عليمن يبقه واكف جان ارتاحيت
.......................................
ولسوف يعطيك ربك فترضى
.......................................
وهاي هم جتنه عزومة على زواج اخوهة
بعد ما وصيجن فدوة العينجن اريد الوضع مضبوط
مو تدلل نصدك نجذب واخيراً راح توصل للي تمناها كلبك
👈👰🤵🏻
هاااا امونة شنو حترحين بعدنه مصبينة عشة للمعازيم ليش ترحين بعد وكت اقلها تعشي وروحي
لا عفية تأخرت والله زفه وخلصت عرسان ودخلو غرفتهم بعد شكو وهاي افتخار خاتله يم ذنيج البنات ويتبشبشن شنو قصتهم لا وديراونهة صور اموت وعرف السالفه
هههههه لج ماعرفتيهن هاي زينب صديقه هيبت اختي وهذن خواتهة الكبار ومرت اخوهة
اهاااا وشعدهن يم افتخار
عاد امونه وحطت براسهة روحي وسالي وفتهمي
لا وعليش باجر وفتهم منهة من نطلع الصبح للمدرسة
💞💞💞💞💞💞💞
صباح الخير ولج البارحة وين رحتي شكد دورت عليج اختفيتي
ليش ادورين عليه هاا عيني ونتي خاتله يم زينب وخواتهة
ولج معرفتي امونة لج صدمة متتوقعيهة
شوقتيني يا الله خير ان شاء الله
لج عيني الشرطي على كولتج هههههههههه الي تسمي شرطي لان يوكف الصبح يوميه
شبي خرب اهلج عرفته الي انتي مسحولة علي
اي اي اي ولج طلع هوة مسحول عليه
لا بربج يعني شنو
يعني هاي الفترة كله وكفته علمودي غير دورت عليج داحجيلج ملكيتج كالو راحت البيتهم ورة الزفه
ولج احجي كملي شنو الفلم
لج خواته البارحة حجولي اثاري جان يحبني قبل لا ازوج وعلى اساس يجي يخطبني وراها سمع بيه ازوجت وحته راد يسافر خارج العراق وقبل فترة بالصدفة شافني من داداوم وخلة اختة الزغيرة تصادق اختي حتة بس يتعرفون علينه وحنة عزمناهم على زواج اخويه الجبير والبارحة فاتحوني بالموضوع ويريدون يجون يخطبوني
وكتيلهم انتي مطلقه
كلشي يعرفون وكلشي مستعدين يسوون الخاطر اخوهم ياخذني
ولج افتخار مداصدك ولج حلم علم صار ايام ويام يوميه الصبح ساحلتني وراج حته بس اشوفي من واكف وطلع الاخ اصلا هوة واكفلج لااااا وجماله جان يحبج من زمان والاضرب من هاذا كلة راح يجي يخطبج
شفتي رحمة الله شكد جبيرة وعوضني عن خسارتي
والله يا افتخار انتي وردة وتستاهلين
.........................................
بيت على كد احلامنه وعيشه على كد الحال
تغنينه كلمة من الكلب والغنة مو بالمال
........................................
معقوله افتخار معقوله خطبتج وصرتي اليه لو تدرين شصار بيه من ضعتي مني اول مرة والله حتة ردت اهاجر من العراق لوما دموع امي
والله يا هاشم اني الي محظوظه بيك والله جعلك من نصيبي واني الي جنت افوت وباوع بعيني وتحصر وكول ياا ترة على منو واكف يوميه الصبح
على مودج يااا روح هاشم
لو نعلم ان الله يخفي لنا الافضل لما تذمرنا على سوء اقدارنا
💘💘💘💘💘💘💘💘💘💘💘💘💘💘💘💘💘👰🤵🏻
وتكلل زواجهم بالاولاد وحسن العشرة وحسن المعاملة
( تمت )
أنت تقرأ
يوميات زوجة عراقية️️
Humorمواقف طريفة منقولة لكم بقلم زوجة عراقية️️ وتقول لكم (( حياتنة سر كبير نحتفظ به خلف جدران منازلنا حبيت تشاركوني مواقف من حياتي بيهة حزينه بيهة مضحكة بيهة نطلب النصح لا تخلو المواقف من الفكاهة ولا يعني الشجار عدم وجود الحب العكس هو الصحيح الحب جمع...
