مواقف طريفة منقولة لكم بقلم زوجة عراقية️️ وتقول لكم
(( حياتنة سر كبير نحتفظ به خلف جدران منازلنا
حبيت تشاركوني مواقف من حياتي
بيهة حزينه بيهة مضحكة بيهة نطلب النصح
لا تخلو المواقف من الفكاهة ولا يعني الشجار عدم وجود الحب
العكس هو الصحيح الحب جمع...
طبعا اني همات ما أجوز والله حيل بيه وستاهل 🥺🥺🥺🥺🥺🥺🥺🥺🥺🥺🥺🥺🥺🥺 ضايجة من لون شعري والشيب انتشر وكثر عاد قبل الحضر اني محضرة العدة ومشتريه القصر والصبغ ومهيأة الامر ومن صار الحضر طبعا تعرفن النفسيه زفت فيوميه أأجل الصبغ الى أن اول البارحة زهكت ومعندي احد يساعدني فقررت اشتغل بيدي☺️☺️☺️☺️ المهم سويت القصر وحسب الامور وطبعا جويسم فرحان راح اسوي تغيير فكلي حيري بروحج
وعوفيلي البيت كلت يا الله والله بلشت وكملت القصر ما احجيلكم طلع شعري لونين لون اصفرررررر ولون زنجاري 🤣🤣🤣🤣 هم ميخالف اني محضرة الصبغ ( اشقر زيتوني ) صبغت الون فوك القصر طلع لونين لون اشقر زيتوني ولون احمر على برتقالي
شلون صار هيج ما ادري لا اكلكم ولا تكلولي مثل شيف الركي نص احمر نص اخضر الرجال شاف الون سكت هااا عيني شنو رأيك كال هاذ هوة طبعا اني اعرف لون شعري صار نشاز بس الي ضحكني الزلمة يباوع من جوة الجوة 🤣🤣🤣🤣🤣🤣 كل ما ادير راسي اشوفه يباوع ويدور وجة طبعا اذا كال مو حلو راح يبتلي وذا سكت هوة مدايجرع الموقف ونوب هاذ الزغير شهرني امي مثل العفريت طالعه ملونة امي مثل الجنيه المهم عبر اليوم وعبر البارحة كعدت الصبح اليوم طخت بعقلي اصبغه وعدل اللون باقي عندي من نفس اللون ربع عصارة فقسمت الصبغ على الخصلات الحمر وحدت الون ونتضرت النتيجة اني كلت هسة من يشوفني اصبغ يكلي اساعدج اهو غلس الرجال كلك مساعدتي مبيه نتيجة تطلعلي صخلة شامية المهم والله كولو بعد جهد جهيد اللون تغير وصار موحد اشقز زيتوني بس حلو الحمد لله هااا عيني شنو رأيك كال اي هسة تمام خوش خوش غير اكرصه وكعد لا شون لزمت المكص كتله جسومي تعال ساعدني شلون تردين اساعدج كصلي شعري 😂😂😂😂😂😂😂😂😂😂 يمعودة يبلة عليج اني شعرفني ابداً الة تكصه كلي ماعرف خاف ميتساوة ولج هوة اميله طول ابد الة تكصة 💇🏾♀️ نطيته المكص طبعا المكص جبير مال قماش مو مال شعر وما اسمعلك اله صوت شخطططط شخطططط هاا جويسم شو الصوت مرعب كلي لتخافين عدج شعر هواي هاي شون اباوع نص شعري بالكاع زين هم ميخالف اله المصيبه ناس صاعدة ناس ناصيه ناس مذايله شلون صار هيج كال لتخافين اعدله شلون تعدله وهوة قصير صار كال عدج شعر خير من الله يعني اذا عدي شعر هواي تحشة اليه اوووفف لا اكوللكم ولا تكولولي يادوب هسة يلزم بالكتر من قصرة عكب ماعدلت اللون خربت شعري بالقص يالله هية الحياة تجارب عكب ما سلمته مكص وبشعري استاهل مو ادري والله استاهل 🤦♀️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
