يوميات زوجة عراقية️️

الثواب ٢

الجزء الثاني من الثواب

كعدت صاحبتنه الصبح وخلصت شغلهة

🧕🏻 ابو سعدون انة رايحة للسوگ حته اجيب شغلات الي احتاجهن  بالطبخ

👴شصاير عليج من نروح للمول نجيب الحم فرد نوب اتسوكي

🧕🏻 ابو سعدون راح تاخذني للمول شسوي هناك بالمول
وين اكو گصاب بالمول انته خاف متوهم

👴 لاا ما متوهم مول جبير وبيه كصاب شنو تعلميني بي غير ذاك اليوم بالفاتحة اخذنه منه شلون لحم وسعرة مناسب ب13 الف احسن ما ناخذه من صاحبنه الكصاب ب الف 15 تفرق

🧕🏻 والله بعد انته اعرف اذا اكو هيج شي ورايح وشايفه
زين حروح اجيب اماعين السفري ماعتقد بالمول يبيعون منه

👴 اي هذا الج بي حق ميبيعون منه توكلي بالله

🧕🏻 حويدر ولك حويدر

🧑🏻‍🦱 هاها يمة

🧕🏻 امشي وياي للسوگ حته نتسوك للثواب

راحت هية وابنه للسوگ
وكفت يم ابو التجهيزات

🧕🏻 السلام عليكم

هلة عمي وعليكم السلام

🧕🏻 حجي اريد 30 ماعون سفري  حجم جبير

اي صار

🧕🏻 شو بالله اشوفة

هذا الحجم

🧕🏻 اي هذا الجبير

طلعله الرجال 30 ماعون

🧕🏻 حجي اريد  30 طاسه حجم جبير بس كون قبغه ويااه

هم 30

🧕🏻 اي حجي حته ويه الماعين نفس العدد

طلعله 30 طاسه

🧕🏻 حجي واريد 30 طاسه زغيرة هنة وقبغهن

صار
وطلعلة الرجال 30 طاسه زغيرة

🧕🏻 حجي شكد حسابي

خليهة عليه يابه

🧕🏻 لا حجي تسلم

13 الف وهاي بسعر الجمله لان ثواب للحسين

🧕🏻 تفضل حجي وانعم الله عليك
يالله يمة شيلهن

🧑🏻‍🦱 يمة هسة وين نروح

🧕🏻 امشي نروح للعطار

وصلت يم العطار

🧕🏻  يمة  اريد خمس كيلوات طرشانه

صار
هاي خمس كيلوت  بعد شتردين

🧕🏻 اريد كيلوين حمص

صار
وهاي الكيلوين
بعد شتردين

🧕🏻 اوزنلي ربع نومي بصرة من هاي النوعية

صار وهاي النومي بصرة
بعد