يوميات زوجة عراقية️️

العزيمة

شلونكم يحبايب رجعنه وية ام سعدون

البارت مهدى الى الغاليه Zhraa Al-Zaydi

صاحبتنة  ام سعدون كاعدة وحدها  وصافنه على جهاز المبايل
تصفح

🧕🏻
باع باع الوادم شلون عزايم بيناتهم
ناس تزور ناس وناس تعزم ناس ويصورون شكد حلووو
وانا ظاله ادور بعيني كاعده وحيدي
ايييه
عودينك ليش ما اعزم اهلي عالعشة
وتنومس بكعدتهم
هاي مو هاي الوادم يتعازمون
والبركة بالمة والكعدة بالبيت

لزمت صاحبتنه تلفون خابرت اختها

🧕🏻 الوووو شلونج حبيبتي

👩🏻‍⚖️ هلة يعمري شلونج شلون صحتج

🧕🏻 اذا انتم بخير انه بخير
اكلج عودينك ردتكم باجر تجون عالعشة انتي والجهال

👩🏻‍⚖️ باجر رجلي ما موجود اي نجي عدكم انه هم اريد امر عليكم

🧕🏻 هلة بيج كل الهلة وهماتين بلكي امي تجي وياكم
خل تجي تغير جو تغير نفسيتها نتبارك بكعدتها

👩🏻‍⚖️ ام سعدون انه اكللها بعد والله كريم بلكي تقبل تطلع
تعرفيها صحة ما عدها

🧕🏻 الله كريم عودك انتضركم

لزمت تلفون وخابرت بيت اخوها تعزمهم

👨🏻‍⚖️ عيوني ام سعدون يا هلة وميت هلة

🧕🏻 شلونك يخويه شلون عافيتك

👨🏻‍⚖️ اسال عليج يا غاليه

🧕🏻 خويه انته باجر معزوم عدي عالعشة

👨🏻‍⚖️ اااي اجي ان شاء الله واكيد هم اجي
شلون افوت الاكل من ايدج ام سعدون

🧕🏻 والله لا اطبخلك اكلات من هاي الي يحبها كلبك
تعلمتها جديد

👨🏻‍⚖️ ااااااايه بعد بعد فدوة العينج تدرين بيه محروم من الطبخ الزين هنا بالبيت مدري شلون اكلهم
عود مسوين دولمة تصدكين اكلت اندومي

🧕🏻 سودة علية تجي يمي وشبعك اكل
وهم كوللهة الامي تجي وياك بلكي تجي

الله كريم اهم شي اني اجي هههههه

رجعت خابرت بتها

👩 هلة يوم شلونج

🧕🏻نستحمد الله ونشكرة
اكلج باجر انتي ورجلج تعالو عدنه عالعشة
انه خابرت خالتج وخالج راح يجون
اريدن اسوي ثواب على روح موتانة عشة وجمع اهليتي
چاااا انه شمالني من دون هالناس
يتعازمون ويتنومسون وانه ظاله راسي براس ابوج ايدق بيه

👩 اي ليش لا اكله وان شاء الله نجي
تعرفين هوة يكيف بس اكلة امي عازمتك
يحب  طبخج يوم

🧕🏻 جاا خوش انتضركم

اجة ابو سعدون الظهر من شغلة

🧕🏻 الله يساعدك