يوميات زوجة عراقية️️

امنة ٤

ولتقيناا بموعد اخر من جديد 🌹🌹🌹🌹الجزء الرابع

❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

عن لسان امنه

واني دانضف السيارة شفت شاب فات الفرع بس شنو اول مرة اشوف شاب يلمع من بعيد ستغربت لما تقرب شبهت بي اياد بعدين لا والله هاذة اياد  ياربي شكبر فرحتي من شفت رجع بسلامة لا وذاكرني جاي البيتنه واني عيني علي وهوة عينه على باب بيتنه وميدري اني كدامه وداباوع علي وترس نضر عيني بي ويه ما وصل للسيارة ونتبه اكو احد بداخلهة وجان يشوفني يايابه يافرحتي ويا مناي اياد رجع اياد رجع
دخلت للبيت اركض وشفت اختي بالمطبخ واني اكمز وصيح اياد رجع اياد رجع واختي على فرحتي وكمزتي تكمز سألتني وينه كتلهة هسة فات منا كالت امشي خل اخلي بس ربطه على راسي وما لكت ربطه جرت الخاولي من المغسله وطكيناها ركضه للباب مال الكراج وجان يرد يرجع يفوت سألتني اختي وينة كتلهة  هاذ الي لابس قمصله جوزية بالمناسبه اياد انيق بشكل ما يوصف قمصله جوزي وبنطرون قماش جوزي والحزام جوزي بس القميص بيجي مقلم بقلم رفيع جوزي والساعه السير مالته جلد جوزي ويلمع شعرة اشكر لون عينه صفر شواربه شكر جماله اخاذ يخلي كل بنيه تركع بس هوة اختارني الي  اختي من شافته بهتت وكالت وج هاذة اياد كتلهة اي كالت وج هاذة وين لكيتي كتلهة هوة لكاني مو اني لكيته وجان يروح اياد بس اني اليل ما نمته واني اتخايله يمشي جاي رايح من فرعنه وثاني يوم وهم لمحته فات وطلعت اركض هم شافني واشرلي بس اني ما اكدر اطلع اذا ماعندي عذر بيومه توسلت باختي تساعدني بست ايدهة اله شوي ابوس رجلهة اتساعدني اروح بس اسلم علي بس افتهم منه ومقبلت بحجة اذا طلعتي اخوتج وراج يرحون وتنكشفين حته بجيت ومكدرت اطلع
وتكررت جيات اياد البيتنه واني ما اكدر احجي وياا ولا اكدر اطلع ومرة من المرات جنت واكفه اثرم بصل ههههههههه مرة سمعت انو اذا متردون عينكم ادمع لازم تخلون الكشر مال البصل فوك راسكم واني هم ما قصرت هم مخليه الكشر فوك راسي وهم اثرم بصل وضحك على روحي اشو عيني بعدهي تدمع وجان يفوت اياد لمحته من باب المطبخ وركض واوكف بالباب وهمات شافني واشرلي وكالمعتاد مكدرت اروح
الى ان بيوم ظهرية داغسل الكراج ولمحت خياله عفت الصوندة وطلعت شفته فات عاد التفت يمنه يسرة ماكو احد سمعته كلي ( عشرة ) بس يا ترة شنو عشرة الساعه عشرة لو عشرة بالشهر لو عشر ايام لو شهر العاشر لو شنو نوع هالعشررة مفهمت وقررت كلهن اجربهن
اولهة اليوم ساعه عشرة بليل اوكف يجوز يجي وفعلاً صارت الساعه تسعه ونص وقررت اطلع بس على حظي ذيج اليله كان كسوف القمر يعني اخلي اصبعي كدام عيني وما شوفه وخاصه الكهرباء مقطوعه ونبدي من المغرب نحظر الالات وكانت امي يوميه بليل تطلع تخم البواري مال المي حته نترس لان المي ايضاً نقطع اثناء الحرب وهاذة الي ساعدني عالطلعه بس مع الاسف كلشي ما كدرت اشوف يعني ماعرفت اياد اجة لو لا وثاني يوم كررت المحاوله وهم ما شفته ونتضرت عشر ايام كلت يجوز قصدة عشر ايام ويجي وهم خلصن العشر ايام وما بين وكلت يجوز عشرة بالشهر وهم انتضرته عشرة بالشهر وما بين وكلت يجوز قصدة شهر العاشر بعدين ضحكت اني اضحك على روحي وينه وين شهر العاشر الى ان مرت الايام ورجعت الحياة طبيعية بغداد ورجعنه للمدارس انداوم واني عيني على الطريق وخاله جدول وشطب ايام الى ان صار شهرين على اخر مرة شفته  وبليله جنت نايمه وشفت بالحلم ولد شاب جاني سألني انتي امنه كتله اي اني امنه
كلي هاج هاي اياد دزهة الج اخذتهة منه  فتحته دفتر مكتوب على الجلاد قصة حياتي فتحت الدفتر الدفتر فارغ ابيض كلشي ما مكتوب بيه استغربت فزيت من نومي وحجي الحلم الاختي واختي تصبرني يعني معناه مناسيج ولابد ما يجي يوم وتشوفيه وظلت الحسباة بيه يا ترة نساني
يا ترة شاف غيري
يا ترة بعد مرجع من العسكريه
يا ترة شنو الي اخرة عني
يا ترة مل مني ومن خوفي
يا ترة عجز مني ومن خوفي
وظليت احسب ايام وحجي وي روحي يا ترة ويا ترة الى ان قررت بيوم اروح البيتهم بس شلون واني ما اندلهم بس اذكر مرة ايناس صديقتي كالت فائز صديقه من طلعنه اول مرة موصفلهة بيتهم يا الله صار عندي امل
وفعلاًسالت ايناس وكالت اتذكر هيج شي بس ممتأكدة وكتلهة ميخالف خل احاول بس المهم الكي خيط امل
حت لو هوة بعد ميريدني اريد اطمن علي واخذت العنوان وبحجة اروح على صديقتي مسويه عمليه واخذت ابن اخويه زغير عمرة سنه ويايه ورحت على العنوان طبعا منطقتهم تصير مقابيل منطقتنه يعني اكدر اروح مشي واثناء ما اني امشي شفت ولد شاب على بيسكل رايح جاي يباوع عليه كلت هاذ ميستحي بس يحجي وياي رأساً ارزله
اشو هاذة وكف
جان يصيحني امنة اني صفنت منين يعرفني لما ركزت هاذة فائز صديق اياد يا الله اجة الفرج سلمت علي كتله هاي وينكم يمعود دانتضر اياد اشو ماكو اختفه  ظل بالي علي ياريت ادليني على بيتهم