يوميات زوجة عراقية️️

موعد آخر

ولتقيناا بموعد اخر من جديد 🌹🌹🌹🌹🌹  بقلم عبودي عبودي

- عمي انطيني مجال اشرحلك والله العظيم شاريهة وما قصر شتأمر وشتطلب اني حاضر تريد بيت باسمهة تريد حاضر وغايب شنو ظمان اني مستعد الله موفقني وموفق اهلي وعدنه خير ادري هية مو بالمال بس الي تأمر بي اني سداد ركبتي الك عمي
- باوع ابني اني احترام النفسي كاعد وياك واسمعك وستقبلتك حته لا اكون قليل ذوق خل اكوللكياها من الاخير
لو تخلي ميزان وتصعدهة عالميزان وتوزنهة وتنطي وزنهة ذهب ما انطيكياها واخر كلام عندي
- زين ليش تدخل بخطيتنا غلطت اعترف بس والله لا طلعت ولا مشيت وياها وروح اسأل كليتهة كلهة  وتأكد اني شاريهة وبحلال الله
- لو عندك اخت تقبل اختك تصادق وهية رايحة تدرس هااا
- عمي اني يطبني مرض زين وهية بنتك
- بنتي اني اعرف بمصلحتهة وخلص نطيتهة للي يستاهلهة لا تختل ولا لقاءات ونتهة الموضوع
- عمي احولك الغربيه كلة مشاية البابك عشاير العراق كله انزلة عليك اذا يطيب خاطرك هالشي شنو تأمر عقوبة فصل نزله بيه وتحمل بس لا تكسر ركبتهة وخاطري
- تفضل الكلام انتهة

........... خوفي من خوفي ليكبر خوفي ما فارك الدمعة...........

- حرام يوم حرام كليه كعدتوني الولد ورفضتو ازوجوني للي انتو أصلاً رافضي من الاول ليش ليش بتكم اني  غلطت والله ما ماشيه ولا طالعه عوفوني اكمل دراسة ملازم ملازم دراسه لا تكسرون بختي بتكم اني يوم ابوس ايدج
- ابوج قرر ونتهة وحته رجع جواب الهادي عالخطوبه خلص لا تحاولين صوجج عمله اسويهة ماخفتي ما ستحيتي
- يوم ترة حبيت ما اجرمت وهاج مو كدامكم اجة وخطب مكافي اذلال  ارحموني ماريدة خلص اني هم ماريدة بس لزوجوني هيج زواج يوم ابوس ايدج حاجي أبويه

🤦‍♀️🤦‍♀️

- اريد افهم شستفاديتي ليش هيج سويتي اختج اني ما نقهرتي كلبج مارف عليه وتشوفيهم شسوو وشعملو بيه وتتفرجين ليش ليش اريد افهم مأذيتج مسويتلج شي حت لو هم اختج اني الدم البينه مي لو شنو فهميني

- ترة ثبرتينة  وهسة شنو اشو حظج كاعد بكلشي وحتزوجين قابل دفنوج تونين وتحنين  على ايش
- يا زواج التحجين عنة يا زواج اني بت الخير اني بت العز المدلله اخذ واحد لكمة بحلكة ماكو كافي علي اهلة الي ممدبر عيشتهم مو استزغار بي بس ماريدة ياا ناس ماريدة
- اوووي اكوم احسن
👉 👵🏻
- وي دادة ام محمد صدك تحجين والله ما صدكنة من سمعنة اشو البنيه مبقه واحد ماخطبه وكلهم رفضتوهم وتالي تطيهة الهلولد الي روحة ممدبرة
- حبيبه نصيب ابوهة نطة وبعد هاذ هوة
- وليش بنيه حلوة وطالبه كليه وكل الناس تتمناها واحلى خواتهة تطيه للفكر  للقهر للجوع تحجين صدك

؟؟؟؟

- وهسة عاجبك هالوضع خطبهة صار شكم سنة وميكدر يزوجة جان اقله خلصت كليتهة بين متنتضر شوكت يدبر الغرفة
- انتي بس لا تظلين تلحين اني مقرر اساعدة ويزوج
- وليش جان من الاول بطلتهة وسكتنه رفضت الولد الي باس الكاع وسكتنه وافقت على كرايبك وسكتنه بس تخليه تعيش بالحصرة والعوز ليش
- والله لو اشوفه تكدي كلبي ميرف عليه

....... خوفي من خوفي ليكبر خوفي مافارك الدمعه ...........

- ماكافي ماكافي بجي صارلج شكم سنه ماكافي
- متحسين كلبي شبي من نار لعد الي صار بيه قليل خسرت حياتي ومستقبلي وحب عمري وكاعدة انتضر شوكت يحنون عليه ولو ماتوقع بقت محنة بكلبهم اذا هية اختي بت امي طعنتني وماكالت اختي  واني والله ماعرف ليش هيج سوت وبلغت ابوية شستفادت ما اعرف
- وج كافي مردتي كلبي لو تبقين سنين تنوحين بعد هاذ المقسوم
- لا مو مقسوم اهلي همة السبب اختي الي شعلت نار الفتنة وابوية الي دار عليه بانزين وحركني وامي الي بقت واكفه تتفرج
- الله يريح بالج ما ادعيلج بس براحة البال
................
جنت عايش عالامل وجانت احلامي جميله
وجنت اتفائل بكلشي والبنيته انتهة بليله
...............

- الوووو
- الوووو هلو ابتسام شلونج اخبارج شذكرج بيه
- لا والله ما ناسيتج بس تعرفين التزامات ومشاغل الحياة اله والله دوم اسال عليج بت خالتج وتوصلي اخبارج شصار عندج بعد
- الحمد لله صارو ثنين عندي
- صلوات على محمد الله يخليهم  الج حبيبتي
- ونتي شصار ماصار عندج
- والله اني بقيت على الولد ودا امشي بالتعيين  -ورحت اسحب وثيقه ومتعرفين منو شفت هناك همات جاي يسحب وثيقه
- لا تكوليه  هوووة ؟
- اي هوة وج عيني مو شافني عبالك مدري شصار بي ذبح روحة راد اي وسيله بس يتصل بيج ويسلم عليج واني الصراحة منطيته مجال كتله خلص عوف البنيه بعد الي صار بيهة
- شنو اخبارة ازوج لاا
- وج كافي بجي لا مامزوج ورادني اوصلج رساله يكلج للموت ابقه بله زواج وراح اطلع من العراق حت ما اشتم الهوة الي مو انتي بي
- حسبي الله ونعم الوكيل بلي كان السبب

🌹بسم الله الرحمن الرحيم🌹
فاليوم لا تظلم نفساً شيئاً ولا تجزون الا ما كنتم تعملون
🌹صدق الله العلي العظيم🌹

- هااا يوم متصله عليه
- اي مو بلغتج البارحة تجين خواتج مجمعات واختج الجبيرة جايه تشوفكم
- ماريد اشوف احد وانتم اصلا مانعيني من دخلت البيت
- ابوج راح الرحمة ربه كافي امي اطلبيله المغفرة
- الله يرحمة الي ما رحمني وحته بيت اهلي حرمني منه وعافني ليام العوز والجوع والقهر انسوني يوم مثل ما كتولي بيوم زواجي طلعتي من هالباب تنسين ترجعيله
- واني امج
- انتي وكفتي تتفرجين شلون ذبحوني وما رف كلبج
- لج بتي نظفي كلبج  كلمن اخذ جزاءة وهاي اختج حالهة حال من زوجت لليوم مرتاحت شافت ضيم يابو ضيم  وهسة دتريدكم مهما يكون تبقون خوات
- وتشوف اكثر واكثر يوميه اتحسب علي ظلمني وعدمني حياتي وحرمني من ابسط حقوقي شتريد بعد تتفرج على جروحي
- ليش هية مرتاحة من رجلة من ولدة من الامراض تكوم تكعد تكول حوبة اختي
- وظل طول عمري اتحسب على ظليمتي
حسبي الله ونعم الوكيل
حسبي الله ونعم الوكيل