يوميات زوجة عراقية️️

الثواب ٥

الجزء الخامس والاخير

ام سعدون فحطت صدرهة يوجعهة راسهة شادته بعصابه
حالته حاله المكرودة كلش تعبت فرد نوب من الدهرة وحركان الدم
نوب بعد ما نامو اولادها
كومي وعزلي المطبخ ونكعي الحمص
وهيأي امورج طبت سبحت وصعدت تنام بفراشها
لكت الزلمه بعدة كاعد ما نايم

ههههههههههههههههه

👴
هااا كم

🧕🏻 اااش ولا كلمه ماسمعك ابد

👴 زين ب

🧕🏻 ولاااااااا حرف لا تخليني اهج بنص اليل

👴 بس س

🧕🏻 وحق هوة الله اذا بقيت مستمر هسة انزل وروح على اهلك هاااا أهاااا

وراح اكلك شي انه افادي فرد نوب يوجعني لو اصبح لو ما اصبح
اذا صبحت الصبح كملت الطبخ
واذا ما صبحت فخطيتي بركبتك
وهذا المسواك بفاتحتي  تطبخونه
هاااا وعلى شرط بس للزلم الفاتحة
فاتحة للنسوان ماكووو سمعت ماكووووو

ومنا الباجر الصبح كلمة ما اسمع منك لا تحاجيني ولا احاجيك خليني بيه شويه عويفية اربي بيهم بزرك

👴 ابد بعد ما احجي

🧕🏻 ولي ينقض العهد

👴 خسار الج شتردين انه

🧕🏻 كلشي ماريدن منك اريدن بس باجر بس  باجر
لا تلفي عليه خليني اكمل الثواب بسلام
لان حته ثوابنه ما واصل من ورة طلايبنه
فمن هسة فكرلك بجارة الروحك الحد ما اكمل طبخ كلشي ماريدن منك بعد

👴 هذا هوة على امرج

وقتت المرة تلفونه عالساعه خمسه ونامت من التعب والفحطة

الساعه خمسه دك المنبه وكامت ام سعدون  توضت وصلت وراحت للمطبخ تباشر شغله
طلعت الحم غسلته وخلته بمصفي
لكت الحمص منفش وصاير شحلاته
خلت الطرشانه بنجانه جبيرة ونكعته حته يذب الرمل والوصخ
شكلت البريمز عالقنينه
وخلت الجدر فوكا
نوب ذبت الحم بطن الجدر يحمس انوب خلت المي حته تشيل الزفرة من يفور

تشتغل بهدوء وسنطه نزل حويدر ابنهة من فوك وكللهة

🧑🏻‍🦱 يمة تحتاجين مساعدة

🧕🏻 يمة بس لا تطلع صوت وتكعد ابوك ماريدن شي واذا اريد عود اكلك

نوب راحت على بتهة كعدتهة حته يتساعدن بيناتهن
كعدت البتايه تساعد امهة لكتهة مهيأة كلشي

👩 يمة هسة اني شسوي

🧕🏻 راقبيلي الجدر لا يفور شيلي الزفرة مال الحم
وانه راح انضف الطرشانه
وكعدت صاحبتنه اتنضف بالطرشانه تغير ميها وتخلي غيرة ونوب تغسلهن وحدة وحدة
البتايه مكابله الجدر وتشيل الفورة وام سعدون خلت جدر الطرشانه عالطباخ وشعلت النار وعافته حته يفور
باوعت الساعه صارت سته