الجزء الثاني من دايت ام سعدون 💋💋💋💋
راحت الجارتهة ام ابراهيم تقيس وزنه يمة
👩🏻🦱ميت اهلة ام سعدون حلت البركة شونج دادة شون صحتج مشتاقتلج والله
🧕🏻 وبيج اكثر دادة ام ابراهيم شونج انتي البنات الولد يارب دوم عويلج بخير
👩🏻🦱 ام سعدون حبيبه بيج شي متغير اشو عبالك ضعفانة لو اني متوهم لالالا ام سعدون انتي ضعفانة الله عليج شنو دسوين وهيج ضعفتي شو بالله كومي ونزعي العبااا داشوفج
🧕🏻ههههههه الله يفرحج بالخير دادة حمستيني والله چاا هسة صدك صار عدي واهس استمر
كل مافي الموضوع التزمت بالاكل وبتعديت عن هواي اكلات وخاص الصمون والتمن والسكريات بانواعه بس بداعت ابراهيم مبين مو فرحيني بعد اختج
👩🏻🦱 اي مبين والله باع الخصر باع البطن نازله حتة جتافج متغيرة عبالك صرتي ازغر استمري الله عليج عاشت ايدج حلو هيج
🧕🏻هوة انه جيتج اليوم اريدن اقيس وزني ماعندي ميزان وهاي ابو سعدون صار سبوع موصيته وماجابلي يكلي شلج بي اني اوزنج وكلج شكد صاير وزنج يضحك علي شفتي بالله
👩🏻🦱 والله سوالف عدة رجلج
يعز علية دادة والله خرب وذبيته وداعت ام سعدون ماعزة عليج وداعت ابراهيم
🧕🏻عليش الحلفان خية مصدكتج هوة مو غالي بس اني اتعاجز من طلعت السوك چاا رحت جبتلي واحد ونوب ابو
سعدون مايقبل يجيبلي واحد
يالله سهلة انة هم ما مستعجلة بعدني خل انزل بعد وشوفن
ورة فترة ام سعدون راحت مسيرة يم اختهة
يا أهلاً وسهلاً شون زيارة حلوة ماشاء الله ام سعدون مبين عليج الفرق هههههههه لاحسدج خية
🧕🏻الله عليج هيج واضح الفرق وضعفانه دكومي جيبي ميزانج خلي اقيس وزني
وداعت حمودي ابني باترية خلصان وهاي صار شكد اوصي هالرجال عالباتري ومايجيبلي ماعزة عليج والله بس ميطلع مضبوط ويقيس مخربط وزين اصلا اذا شتغل باتريه خلصان
🧕🏻يالله مو مشكلة اجيبلي واحد احسن لان سالفه اظل هيج صعبه
ورة فترة من الايام ام سعدون كاعدة وتحجي وي بتهة
🧕🏻شفتي بالله ابوج ما جابلي ميزان وخالني هيج اروح يم هاذ وذاك ادور ميزان اقيس وزني
ماما انتي ليش حايرة تردين تقيسين سهلة شوفي شنو من ملابس جانت ضيقه عليج ولبسيهة ويبين الفرق نازله لو لا
🧕🏻 ولج انتي خبله ليش ماعرف اني نازله بس اريد اعرف شكد واصله بالوزن وشكد فاقدة وثاني شي ملابسي كله قياسات كبار يعني ميبين الفرق هواي
زين عندي اقتراح ثاني تروحين للسوك ودخلين على محل مال اسلاميات وتاخذين قياس ازغر من قياسج قبل وتقيسي وهسة اشوفين الفرق وشكد نازله
أنت تقرأ
يوميات زوجة عراقية️️
Humorمواقف طريفة منقولة لكم بقلم زوجة عراقية️️ وتقول لكم (( حياتنة سر كبير نحتفظ به خلف جدران منازلنا حبيت تشاركوني مواقف من حياتي بيهة حزينه بيهة مضحكة بيهة نطلب النصح لا تخلو المواقف من الفكاهة ولا يعني الشجار عدم وجود الحب العكس هو الصحيح الحب جمع...
