يوميات زوجة عراقية️️

حبوبتي (٢)

#سوالف اهلنه   الطيبين

الجزء الثاني

جدي چان كشخه مو شلون مچان العگال والصايه والعباه فوكاهن وچاان حلوووو كلش حلووو وسبع هواي اهلنه يسولفون على سباعيته وچان قبل مو مثل هسة بيوت هواي وكلة طابوك وكذا

لا اكثرهة زرع ومساحات واسعه وفارغ وتكثر الحيوانات بهاي المناطق الاليفة والمتوحشة

فجدي چان دوم يحچي عليهة يكلهة انتي ليش مخرگنه البسيلج ثويب براسه حظ الوادم شتكول عليه وانة الچبير بين عمامي

اجاوبه حبوبتي كلهن الگاهن هناك بأخرتي يجني والبسهن

يكلهة خايبه وانه ما اريدن عمي اريدن تلبسين وتكشخين فشلتيني اذا ما تعدلتي ترة اخذ مرة عليچ وما تلومين اله روحچ

تگله خايب هلا ونته من صدك تزوج دخطب وشوف ياهو يطيك مرة

يسولفون اهلنه مل منهة الحجي مايفيد وياها ولنه ماشي خطاب على وحدة من بنات عمامة والعمام مكيفين راح يناسبون ....... الچبير

ليش مو من راجع من الخطبه طالع اله خنزير متوحش وهاجم علي

وجدي بذاك الوكت محزم بالخنجر ومتلازم هوة والخنزير الخنزير عاظ جدي بزرة وجدي كاتل الخنزير وذابحة وجايين الناس تتراكض ماخذينه للمستشفى 

واصل الخبر الحبوبتي جدي عاظة الخنزير وهسة بالمستشفى حيسووله عمليه

كالت حل عباله ما اشور والله اشور ولا يشوف الزواج بعينه

طالع جدي من المستشفى وجابو عمامه وعشيرته شايلينه شيول

ههههههههههه
يكولون تلكته تكلة حوبتي يا ...... ما خطتك تزوج علية وانه بت الاجاويد

هههههههههه يگلك جدي شايل روحة وراگعهة بالگاع من وراها

يگلهة مادريتج علويه وشورين خايبه گمي تشور عود هية

بتهة تجي تكلهة يمة

الخاطر ربج ادورين ثوابات عالناس ونتي ظاله بهالثوب وابوي الكشخة والله حرامات ما ازوج عليج

تلزم عمتي تكتلهة وتلزمهة الباب وتكلهة رجعي البيتج لا افين حظج وتطردهة

مرة ثانيه هم راد يخطب جدي والصراحة ما اذكر شسولفو اهلنه صار وتالي بطل ايس وكعد وظل عالحجيه حبوبتي
غير اجوز لا شلون اجوز

الحجي يجيب الكعك ابو السمسم تحطة بجيس وظمه

حجية وين الكعك
اوديه بيت ملا فلان
حجيه حطيلنه ناكل
لا والله هذوك الناس اثوب تاكل
وتكب العيطه

لو يجيب الركي وهية تشيل الركي وتودي بيت فلان فقرة ما ماكلين يجي جدي العصر ما يلكة الرگي ويگوم يهوس عليهة

تگلة چاااا انتم 24 ساعه تاكلون وهاي العالم فقرة ما حاصل الهة تاكل ويكعد جدي يسب ويشتم باهلهة وبالساعه الي تورط بيهة

لو يجيب صينيه الگيمر تحطلهم ماعون كلهم بي وباقي الصينيه توديها البيت فلان وظل العايله تصفن عالماعون

ولدهة يسألوهة حجيه وين الگيمر ترة ما شبعنه حطيلنه بعد

تگلهم تاكلون بلابوش الناس ظاله ونتم كله گيمر تاكلون وتكب العيطة

اذكرر فد يوم اني زغير وحبوبتي جاية عدنه مسيرة بيت ابنهة وتبات عدة

فاشوف حبوبتي تاشرلي تعال اتقربت منهة طلعتلي من جيب دشداشتهة كعك وطتني وكالت حبوبه اكل

اني چنت جاهل زغير وخلو بيدي كعك اكلته وراها اذكر روحي ظليت مجطول عالقنفه ما اتحرك وروحي رايحة مني ومدري شبيه مو تمام

ليش مو اجة ابويه بليل من شغله وحبوبتي تكل الامي حطي الابني من الكعك الجبته

كومي يا امي وحطي الابويه ماعون
بعدة ما حاطه بحلكة وكللهة كون اطيتي منه للجهال كالت امي لا بس فلان اكل منه اشوف ابويه يباوع على حبوبتي وعليه
وكللهة حجيه من شوكت ظامته هذا الكعك ريحته تعط
هنوب اني سمعت هالحجي وعبالك بوري ونفتح
تكرمون ازووواع
ثاري مدري منو مطيهة الكعك وظامتة  النه وهوة معفن واني تسممت وذيج اليله الله ستر

انتضرو سوالف حبوبتي بالجزء الثالث

يتبع