يوميات زوجة عراقية️️

بعد الحب ( ٣)

( الحلقه الثالثه )

انتي من كل عقلج شلون تطلبين منه هيج طلب

والله شكلج اختي ضرب عدهة فيوز

كافي شبيجن تكابلتن عليه وهوة اصلاً منو يكول راح يحضر العرس

هوة شجاوبج من طلبتي منه

كلي حاضر اجي

هوة هذا هم مدري شلونه

اكلجن انتن من رحتن للموعد ما خفتن

والله الصراحة متت خوف ايدي على كلبي وتلفت يا ساعه يطلعلي عرف او لو اموت بعد ما سويهة هية هاي وتندمت عليهة غير من ملحته اله هوة يحلم بعد احجي وياا ويعرفني زين

هههههههه وج سكتي يا خوف يا دنيه المهم الله سترنه ورجعنه لج فاتج المنظر شلون اختج مسيطرة وحلقتهة بيدهة وتمشي وهوة يباوع على ايدهة ويدير وجهة ميكدر يصد للحلقه خرب والله جنت مقهورة علي بس من شفتهة شون رافعه راسهة كدامه كلت حل حل والله اخذت حيفه منه مال السنين الفاتت

لجن اني ما جاي انتقم منه لو شي بس الي قهرني من رحت بلغته حنخطب بكل سهوله كلي شايفه كل الخير وراها تدرن شكلي شوكت اشوفج كتله سالمين داكلك انخطبت تكلي شوكت اشوفج هيج مستهزأ بيه وشايفني بنضرة كلت اله اطلعهن من عينه هاي الحجايتين الحجاهن ويعرف قيمتي اني مو انسانه لعوبه تذكرن شكد ركض وراي حته وافقت احجي وياا وطول فترة علاقتنه من نتفارك يرجع هوة يحومي عليه واله نرجع سوة اله يرتاح وبسهوله من يجون خطابه عليه يكلي الله وياج
وهسة يتمنه بس شوفتي

زين شنو الفائدة من جيته بالزفه

اريدة يشوفني بالبدله البيضه ويه  زوجي وتبقه كدام عينه هاي القطه طول عمرة مينساها وكل ما يصير عرس يذكرني بي شلون كدام عينه انزفيت اريد لوعه فقداني تبقه بكلبه مينساها مو بس ازوجت وراحت وهاي هية لا صوت وصورة يشوفني

خرب ولج راح يضرب عن الزواج من وراج

هسة بعد شكو انتهة كلشي ومباقي على العرس بس هذا السبوع يالله حبابات سدن السيرة وكللي شوكت نشتري ملابس حنه عرس لو نبقه على سلاباتنه نفسهة

اني عندي ملابس دبرت ما اشتري

واني اخت العروس شلون ما البس دبريني وياج

واني اصلاً العروس بعدني ممدبرة

اي عيني اي انتي ياخذوج ويفترون بيج وينتضرون شوكت تقتنعين وترضين ابدله

هههههههههههههههههه

اكولج والحنه يا لون حتلبسين بدله

ما اجر بدله عاجبني مكسي ولونه احمر

حلوووو الله يهنيج يا رب

اكولج دسمعين هورن مال سيارة

اي لاحظت هاي مرتين يم بابنه ويدك خفيف  وج خاف هذا هم رجع