السلام عليكم ورحمة الله وبركاته
اشكركم من اعماق قلبي
اشكركم وشكر دعواتكم الي بالشفاء
اشكركم وشكر كل من سأل عني
كل من اتصل بي كل من راسلني
اشكر وجودي بينكم يا اعز الناس
الحمد لله والشكر بفضل الله وبفضل دعواتكم نجحت عمليتي وكانت خطرة فوق الكبرى والله سبحانة وتعالى اتم علي الصحة وكدرت ارجع بينكم رغم بعدني راقدة بالسرير بس اشتاقيتلكم وما حبيت اجي وايدي فارغة جبتلكم موقف وياي
اتمنة يعجبكم
هاااااااا واتحدى اي كاتبه كاتبه منه بدور فصليه لو دور رومانسي اني وحدي سويته ولي عدهة منه خل تتفضل تحجيهاي اول سنة من زواجي بعدني جديدة تعرفون والقسل والرومانسيه بعدة بحرورتهة فأذكر جنت حامل بأول بطن الي بس بالضبط ماذكر يا شهر اما الخامس او السادس او الرابع هيج شي المهم
تذكرون بالتسعينات الكهرباء جانت تنطفي عالبرمجة ومجانت اكو مولدات بيتيه ولا مولدات شارع كبار الي هية ( السحب ) فجنة نعرف شوكت تنطفي وشوكت ترجع نتهيأمن المغرب للصعود بالصطح عالهوة احنه وفراشاتنه الى ان تجي الكهرباء ونرجع الغرفنه فقبل لا تنطفي الكهرباء
كلي زوجي خل نصعد اليوم من وكت للصطح العالي حته نحجز مكان عالهوا كتله خوش
خلصنه عشة وصعدنة للصطح العالي الي هوة الطابق الثالث فواكفين اني وزوجي يم التانكي واني احاجيكتله الله خلي ايدك عالتانكي شوفه شون بارد المي لان اليوم الجو بي هوة عاد هوة كلي اصعدج تكعدين عالتانكي عالبرودة كتله شلون كلي معليج بس لتخافين جلبي بيه
عاد شالني من خصري وصعدني كعدت فوك التانكي هااااا من خصري شالني
اي فكتله صدك برودة حلوة كتله خوما الجوارين تشوفني كلي لا تخافين ظلمة محد يشوف عاد جويسم وجته الرومانسيه
وطيني بوسه واني اكله عييب جوارين وهوة يكلي صدكي محد يشوف عاد البوسات شتغلت والزلمة طمع اكثر ميريد بوسات زغار لااااااا يريد اموووواح طويله عاد كتله والله زحمة خاف يطلع احد ديباوع علينه وهوة يطمني لااااا محد اطمني خوما اني اقبل احد يشوفج واني مطمنه والامواااااح الزينه مال حب اول شهوووور زواج وتعرفن بعد هاذ الحجي وهوة لازمني من خصري لا اوكع بهالاثناء وجان ينفتح الضوة مال صطح العالي جوارينا الي كبالنا بالضبط كتله معود الجوارين فتحو ضوة نزلني كلي سدج امين ميشوفون بس احنه انشوفهم وهوة مستمر بوسات كتله عفيه شو ما مرتاحة نزلني خاف يشوفونة وهوة يطمن بيه محد يشوفنه وهالاثناء الضوة انطفه جريت نفس الحمد لله نزلو وهوة مستمر واني فكري يمة وعيوني تفتر عالصطوح خاف احد يشوفني جويسم بعد لطش بهالاثناء نفتح الضوة مال جوارينه الي بصفنه بالضبط كتله معود نزلني شو ممرتاحة كلي شو مدري شلونج منيش خايفه واني يمج عاد سكتت المهم اخر شي طفت الكهرباء وصعدو اهلة وضطر ينزلني من على التانكي لان بعد زحمة اهلة صعدو كولو عبر اليل وكعدت الصبح بالسبعه اسويله ريوك حته يطلع الشغله ورا ما طلع زوجي الشغله صعدت اني رتبت غرفتي ونزلت الساعه ثمانيه هااااااا ثمانيه الصبح وجان عمتي تكلي
البارحة جوارين شافوكم وكالو هاي ابنج شكد يحب مرته ماشاء الله وخلصه اليل كله تمطك😱😱😱😱 كتلهة شنو
كالت واني هم كتلهم بعدهم جديدين خل يتونسون هسة وكت شبابهم
كتلهة عمة وين اكو هيج حجي جان تكلي يمعودة مبقه واحد بالمنطقه مشايفكم البارحة
😱😱😱😱 بة يمة عليك جويسم فضحتني شهرتني وخليت المنطقه كله تحجي
تالي تلكيته العصر من رجع كتله ليش هيج شكد عيب البارحة مبقة واحد مشافنة كلي زين انتي امي كلتلج اني واحد شافني وكلي مرة ثاني انزل بالناصي ومافهمت شيقصد تالي لكفتهةوضليت يومين خجلانة من عمتي وهوة ولا يمة يكلي شمسوين قابل
ودمتم بصحه وعافيه ومتشوفون مكروه ان شاء الله
أنت تقرأ
يوميات زوجة عراقية️️
Humorمواقف طريفة منقولة لكم بقلم زوجة عراقية️️ وتقول لكم (( حياتنة سر كبير نحتفظ به خلف جدران منازلنا حبيت تشاركوني مواقف من حياتي بيهة حزينه بيهة مضحكة بيهة نطلب النصح لا تخلو المواقف من الفكاهة ولا يعني الشجار عدم وجود الحب العكس هو الصحيح الحب جمع...