فد مرة من المرات اخوية الچبير راسلني وچنت بوكتهة دايخة ونعسانه بس ماريد انام وعيني تغوش فصارت هاي المحاورة بيناتنة
بعد التحية ولسلام سألته
شونهة صحتك
جاوبني ( والله موزين تعبان )
كتلة دومك ان شاء الله 😂😂
رجعت سألته شخبارك ويه الاهل
جاوبني ( زفت )
كتله الله يديمهة عليكم 😂😂
طبعاً هوة سكت وما عاتبني على كلامي وصبر للاخير
رجعت سألته شسويت علمود شغلة ابنك
جاوبني ( الاصت بالزايد )
كتله ايه همزين الله عادل 😂😂
جان يكلي شبيج يمعودة شجاج اليوم شو احسج مشمته بيه
كتله لا والله ليش غير داسالك على امورك
كلي دشوفي شمجاوبتني انتي
صدك صعدت للمراسله وشوفلكم الخرابيط مالتي اثاري من هلكد مدايخة وعيني مغوشة قاريه كلامه بالمكلوب ونازله علي الله يديمه والله يجعلك وعالكة الجو وكعدت اتعذرله وبررله 🤣🤣
ومنذاك اليوم واني كل ما اراسله اراجع المحادثه قبل لا اجاوبه هههههههههههههههههههه هسة غير تنام عيني الوكيحة
أنت تقرأ
يوميات زوجة عراقية️️
Humorمواقف طريفة منقولة لكم بقلم زوجة عراقية️️ وتقول لكم (( حياتنة سر كبير نحتفظ به خلف جدران منازلنا حبيت تشاركوني مواقف من حياتي بيهة حزينه بيهة مضحكة بيهة نطلب النصح لا تخلو المواقف من الفكاهة ولا يعني الشجار عدم وجود الحب العكس هو الصحيح الحب جمع...
