القصة الثالثة
قصة رقم 3 بالغرابه بالزواج والطلاق
هاذي كلش قديمه
يعني الغرابه جانت من زمن قبل من زمن اجدادنه
😲😲😲😲😲😲😲😲😲😲😲😲😲😲😲
هاذي جيرانه مرة جبيرة جنة كاعدين ملتمين الجارات كلهن بمجلس فجبناها عالقسمة والنصيب وحدة من الجارات كالت اذا كالو الزواج قسمة ونصيب فهاذا المثل ينطبق على ام فلان
كلنه تحولنه عليهة كولي خاله الله عليج سولفيلنه شلون صار زواجج المرة ضحكت وكالت
قبل جنة العروس بيوم زفتهة تروح للحمام مال النسوان وتروح وياها حبايبهة وخواتهة والبنات يشيلن بقجة العروس على راسهن ونروح للحمام كلنه
تكول وحدة اقاربي نخطبت من واحد غريب والخطبه قبل مطول هواي منا خطبه منا زواج وبيوم الزفة تكول اني جنت جاهلة زغيرة وفرحانه رايحة وياهن للحمام والبقجة مال العروس على راسي شايلتهة
تكول دخلنه للحمام ولزمو العروس غسل وجلف وضحك وشقه وجان فجاة نسمع صوت الطلق والرمي
شكو شكو
راحت ام العروس تشوف شكو هاي الهوسة طلعت ورجعت المرة تتراجف وطلعت بتهة العروس من المي ولبستهة هدومهة شكو يمعودة فهمينه
تاري ابن عم العروس جان عسكري من جاي سامع بت عمه زفتهة اليوم ماخذ سلاحة وجاي هداد للحمام اكتل ونكتل اذا نزفت بت عمي الغيري طلعوهة رجعوهة للبيت وجايب وياا عمه ابو العروس
عاد الرجال كال المرته طلعي بتج وجفي الشر وبعدين نحلهة
ظلت ام العريس لا تطي ولا تاخذ
تكول ليش مو مرت عمي ويانة جان تكللهة الام العريس انتي ابنج اليوم زفته ونتم خسرانين وصارفين وعازمين وذا اجلتو العرس ينكسر خاطر ابنج ومنو يكول بعد يطوهة الكم هاذ ابن عمهة خذاها بعد ايسي من عروستكم
ام العريس كايلتلهة والدبرة شنو شسوي المرة كايلتلهة هاي فلانه موجودة وهسة الحبايب يجهزنهة ويحضرنهة وشو بقجة العروس موجودة ونجهزهة ونزفهة الابنج وسيد اليوم يكطعلهم مهر وهاي هم امهة حاضرة شتكولين ام فلان تكول امي كايتلهم كبعو وخذو
تكول المرة جوارينه اني ماعرف شنو الفلم وجنت فرحانه زفه وهوسة تكول شو ذني حولن علية وسبحني ونضفني وزوكني ونوب طلعو بقجة العروس الي جنت شايلتهة على راسي فتحنهة ولبسني ملابس العروس وحضرني ونوب زفوني تكول من فرحتي بملابس العروس ماعرفت القضيه اله لما دخل العريس للغرفة وكطعولي مهر سيد وزوجوني
تكول صارت قسمتي ابو فلان من بعد ما جنت شايله بقجة العروس صرت اني العروس
وذيج العروس ماخذهة ابن عمهة وبنفس اليوم كاطع مهر ومزوجهة ورة اسبوع
وهاي هم قسمة تحول مسارهة سبحان الله
أنت تقرأ
يوميات زوجة عراقية️️
فكاهةمواقف طريفة منقولة لكم بقلم زوجة عراقية️️ وتقول لكم (( حياتنة سر كبير نحتفظ به خلف جدران منازلنا حبيت تشاركوني مواقف من حياتي بيهة حزينه بيهة مضحكة بيهة نطلب النصح لا تخلو المواقف من الفكاهة ولا يعني الشجار عدم وجود الحب العكس هو الصحيح الحب جمع...
