مسائكم محبه حبايب 💋
يابه ام سعدون تعتب علية
تكول هالايام ناسيتني
كتلهة لا والله مناسيتچ بس عدي قصة داكتب بيهة ويادوب دا الحك اكمل بارت
🧕🏻 چاا خية راح يخلص صفر ونتي ماكتبتيلي شي
مو تدللين اليوم النشر الج حبيبة
صاحبتنة ام سعدون تريد تسوي ثواب
بثواب ابا عبدالله الحسين
تكول ابو سعدون صارله شهر كاعد ماعدة شغل
حجت ويه بتهة المزوجة او ولدهة وكلتلهم
🧕🏻 يمة اريدن اسوي ثواب السنه واطبخ
اي يمة شكو بيهة طبخي
🧕🏻 يمة تعرفون ابوكم شغله تعبان فالي يكدر يساهم منكم بشچم فلس ونجمع الي قاسمة الله ونطبخ على كد فليساتنة وانه هم عندي مبلغ زغير وانتم بعد كيفكم انه ما اجبر احد الي تكدرون يمة علي انعم الله
وان شاء الله بجاه الحسين عد الله يرزقكم وسنة الاخ نكثر بالثواب هااا يمة شتكولون
كالت بتهة المزوجة
👩 اي يمة اني اشارك بس الي اقتدر علي
🧕🏻 اي يمة انعم الله واذا ماتكدرين بعد ما مجبورة انه ماجبر ترة اريد من خاطركم يمة
👨🏻🦱واني هم يمة شوكت متردين الجوة ايدي اطيجياهن
انتي بس حددي شوكت تسوكين تلكين الفلوس يمج
🧑🏻🦱يمة اني هم شتحتاجين فلوسي يمج اخذي منهن
🧕🏻 هذا هوة انعم الله عليكم يمة من كون يغنيكم ويكفيكم بجاه ابا عبدالله
👨🏻🦱شوكت تطبخين
🧕🏻 شوكت ما تطوني انه اتسوك
اتفقت ويه ولدها وبقه الرجال كالت من يجي بليل اساله شكد يكدر يشارك
🧕🏻 الله يساعدك ابو سعدون
👴 ويساعدج يابه شكو ماكو
🧕🏻 ابو سعدون ان شاء الله نويت اسوي ثواب فا انته شكد متكدر تشارك انعم الله
👴 مو تدرين انة ماعندي وكاعد هاي الفترة بله شغل
🧕🏻 ابو سعدون اي شي حته لو عشرة هم نعمه المهم تشارك حته سنه الاخ الله يرزقك ويزيدك ونكثر الثواب
👴 الله كريم من يصير عندي ماقصر
سالي ولدج اذا يشاركون
🧕🏻 اي كتلهم وكالو نشارك
الي يطلع منهم نعمة
👴 وشناويه اسوين
🧕🏻 والله الصراحة حايرة ماريد قيمة لان كلهم يوزعون
ولا فاصوليه ولا دجاج ملت العالم من هالاكلات اريد اسوي شي كون يختلف
أنت تقرأ
يوميات زوجة عراقية️️
Humorمواقف طريفة منقولة لكم بقلم زوجة عراقية️️ وتقول لكم (( حياتنة سر كبير نحتفظ به خلف جدران منازلنا حبيت تشاركوني مواقف من حياتي بيهة حزينه بيهة مضحكة بيهة نطلب النصح لا تخلو المواقف من الفكاهة ولا يعني الشجار عدم وجود الحب العكس هو الصحيح الحب جمع...
