الوووو 👱♀️ الووووو
متحجون المن مخابرين لعد
اذا محجيتو حسدة
بكيفكم لتحجون
تررررن 📞 ترررن ترررن 👱♀️ الووووو الووووو
وتالي اذا متحجون بعد لتتصلون
الووووو
بكيفكم
تررررن 📞 تررررن 👱♀️ الووووووو
هاي اخر مرة اذا محجيتو اسدة وبعد ما شيله
والدي بعد يجاوبكم
الوووووو ؟؟؟؟ الوووووو
👨🦰الوووووو
👱♀️ليش محجيت
👨🦰الصراحة مردت احجي ردت بس استمتع بصوتج السحرني بس من كلتي بعد ما شيله والدي يجاوب كلت لا بعد مبيه مجال
👱♀️وشرايد هسة
👨🦰اتعرف عليج
👱♀️وليش نتعرف
👨🦰وليش خليتيني احجي
👱♀️وليش كل ساع تخابر
👨🦰الصراحة جنت اخابر على صديقي والظاهر الرقم شمر وطلعتيلي انتي بصوتج
👱♀️شبي صوتي
👨🦰يخبل ناعم وحنين وعذب وانثوي وووو
👱♀️هوب هوب على كفك شو طلعت كبل
👨🦰سالتيني وجاوبتج وهسة اني اسالج ؟؟ شسمج
👱♀️مله داعي تعرف اسمي
👨🦰زين ساليني على اسمي
👱♀️ملة داعي اعرف اسمك
👨🦰اني احجي الصراحة راح ارجع اخابر وخابر لان حبيتج
👱♀️هاي شنو وين اكو هيج حب بس سمعت صوتي حبيتني
👨🦰مسامعة الاذن تعشق قبل العين احياناً
👱♀️والمطلوب مني احبك لان انته حبيتني من صوتي يجوز صوتي حلو بس شكلي محلو
👨🦰الي يشوفج شيكول
👱♀️والله الي حواليه كولهم يكولون انتي حلوة
👨🦰خلص اذن انتي حلوة
👱♀️يالله من رخصتك راح اسدة
👨🦰زين اخذي رقمي من يصيرلج مجال خابري
👱♀️ميحتاج
👨🦰زين هسة اني عندي التحاق راح اروح ويه القوات للكويت اسناد من ارجع اتصل شلون راح اعرفج انتي وشون راح تعرفيني خل تكون بينه كلمة سر شتكولين
👱♀️انته عسكري ورايح للحرب
👨🦰اي ضابط بالجيش العراقي وراح التحق باجر وهسة شكلتي
👱♀️ان شاء الله ترجع بسلامة ماشي شنو كلمة السر
👨🦰من اخابر اكول الو نعم انتي اجاوبيني الو نعم هاي الاشارة شكلتي
👱♀️تمام وهسة الله وياك
👨🦰الله وياج وكلبي
👱♀️ هههههههههه مع السلامة بس ارجعلنه بالسلامة
وبعد سنين طوال 🌹🌹🌹🌹🌹🌹🌹🌹🌹🌹🌹🌹
👵 ايها الغريب المجهول هل عدت من حربك ام لم تعد
ام ان ظهورك كذبه وغيابك كذبه
ايا ترى عدت لحياتك ام انك لم تعد للحياة اصلاً
لما قلت انتضريني وانت لا تقوى على قدرات طريقك
هل انك ضحية حرب ام اني ضحيه كذبه منك
ام انك لم تكن ابداً
رغم كل تلك السنين لم انساك ايها القادم الراحل
لم انسى ذكرى شخص مجهول قال اعود ولم يعد
تمر ذكراك اليوم كما تمر ذكريات تمر مترسخة في خيالي
فان نصف ساعه من عمري كفيله ان تبقى عالقة 👵
🌹🌹🌹🌹🌹🌹 طول العمر 🌹🌹🌹🌹🌹🌹
ولتقينا بموعد اخر من جديد 🌹🌹🌹🌹🌹🌹🌹بقلم ام عبودي
أنت تقرأ
يوميات زوجة عراقية️️
Humorمواقف طريفة منقولة لكم بقلم زوجة عراقية️️ وتقول لكم (( حياتنة سر كبير نحتفظ به خلف جدران منازلنا حبيت تشاركوني مواقف من حياتي بيهة حزينه بيهة مضحكة بيهة نطلب النصح لا تخلو المواقف من الفكاهة ولا يعني الشجار عدم وجود الحب العكس هو الصحيح الحب جمع...
