القصة الثانية
هاذة الطلاق رقم 2 بعالم الغرابة
😲😲😲😲😲😲😲😲😲😲
هاذي الحادثة امي حجتهة الي والعروس والعريس جيرانهم يعني حت متجي وحدة وتكول ماكو هيج شي لو فلم هندي
اعيد وكرر ما اكتب شي مو حقيقي لو تاليف كلة واقعي وبالعراق والله بالعراق مو بجزر الواق واق
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تكول وتسولف الوالدة
جيرانه بتهم نخطبت مهر وحنه وحسب الاصول واجة موعد الزواج
تكول وبيوم الزفة ؟؟؟؟؟؟ ليش مو دخل العريس يريد يطلع العروس ولزم ايدة وطلعو وصلو للسيارة ديريد تصعد بسيارة الزفه
حظهة المصخم خلاها تمد ايدهة على ..... ( خلفية العريس )
وباصبعهة تسويله فد حركة عيب ؟؟؟؟؟؟؟؟
تكول هوة التفت عليهة ماحجة شي اهلهة واكفين واهلة والزفه والدنية مكلوبه
بعدة لازم ايدهة اندار بيهة ورجعهة على اهلهة الي واكفين بالباب وگللهم
هاي بتكم متصيرلي مرة بعد ودار وجهة وصعد بالسيارة وطلع كبل
يمعود يبله عليك اهلة ماتو بدمهم اهل البنيه يهوسون شكو وشجرة وليش
تالي حصرو بتهم العروس دنفهم شصار ونتي بعدج اباب البيت حته للسيارة مصعدتي
عاد من الضغط البنيه اعترفت وكلتلهم هيج حركة سويتله
امي تكول اليل كله العروس
كتلهة عمل شعبي صار وخرب العرس وطلقهة العريس وراح خطب غيرهة وزوج
ادور اهلهة كلولهة ليش هيج سويتي تحلف تكللهم لا ارادي طلعت مني والله ماعرف شلون صار هيج
وخربت زواجة بسبب حركة عيب قبل حته لا تصعد السيارة
أنت تقرأ
يوميات زوجة عراقية️️
Humorمواقف طريفة منقولة لكم بقلم زوجة عراقية️️ وتقول لكم (( حياتنة سر كبير نحتفظ به خلف جدران منازلنا حبيت تشاركوني مواقف من حياتي بيهة حزينه بيهة مضحكة بيهة نطلب النصح لا تخلو المواقف من الفكاهة ولا يعني الشجار عدم وجود الحب العكس هو الصحيح الحب جمع...
