ولتقيناا بموعد اخر من جديد 🌹🌹🌹🌹...............بقلم عبودي
مشاعرناااا من جليد 😔😔😔😔
اسم الله عليج يوم شبيج كعدي شنو حلمانة
ماما شون حلم غريب
يا ستار يا ربي
اي والله يوم جن حلقتي بيدي نعوجت وكعت بالكاع اريد اشيلهة متنشال تنشمر بعيد
لتخافين يوم هاي لان تفكرين بمثنى هوااي
لا يوم الحلم واضح راح اخسرة الخطيبي هاي مو اول حلم احلم بالحلقه تروح مني
كولي يا الله بنتي
👩❤️👨👩❤️👨👈
تحبيني
شلون ما احبك مو خطيبي
لا مو بس خطيبج كولي احبك
اكو وحدة متحب خطيبه
ميهلي اعوف ايدج لو بيدي اخذهة ويايه
عيب مثنى خل ننزل صار نص ساعه بالباب
هاي اخر بوسه من ايدج وننزل
........................................
لو كنت اعلم ان القدر لي واقف بالمرصاد لما تركتُ يدك ابداً
لو كنت اعلم أن الغدر ياتي من اقرب الناس لما احببتك ابداً
.......................................
👨🏻🦱👈
يوم يوم
ها يمة
بتج وين
تعاي ولج شمسويه
هااا رياض صحتني
تعالي اليوم مثنى اجاني
انتي صدك صاعدة وي شيماء بسيارة واحد صديقهة
عزة بعيني وين اكو هيج شي ابد والله بيش تريدني احلفلك
واجهني بيهم وداعتك ماكو هيج شي
زين مثنى متخبل يكول ليش تمشي وي شيماء اصلاً ماريدهة ترتبط بيهة باي نوع من علاقه
خلص من اليوم بعد ولا اعرفهة بس صدكني والله العظيم جذب أصلاً البنيه مشت ويايه جابت كتابه من صديقته ورجعنة للبيت لا شفت سيارة ولا صعدنه بسيارة
اليوم حضري روحج اوديج تتواجهين وي مثنى وكدامة الحجي يصير يا ويلج اذا تكذبين
والله اتواجه بيمن تريد ماكو شي عندي اخاف منه واني اعرف اعمال منو
منو قصدج
هاذ نعيم ابن اختة المثنى جان واكف وشافنة من طلعنه اني وشيماء بس ليش يألف عليه حرام علي
..................................
لو اني اعرفُ ان البحر عميقٌ جداً ما ابحرت 💔
لو اني اعرف خاتمتي ما كنتُ بدأت💔
..................................
شبيج ماما ضايجه
مابيه شي
لا كولي انتي مو تمام وضعج
والله يمة اريد اكلج شي وخاف اضوجين
كولي يمعودة فتيتي افادي
مثنى ازوج صار اسبوع
وذا مثنى ازوج قابل شكو شاب ومن حقه وصار سنة من فسخنة الخطبه قابل يبقه ينتضرني مكتيلي المن ازوج
وحدة جيران بيت اختة
هااااااا كتيلي خل يرتاح نعيم ظل ورانة الى ان فرقنه الله يسعدة وبتج همات ماقصرت يا موديه حجي يا جايبة حجي ونعيم يألف ويشمر وبتج تودي وجيب
خوما مقهورة
عليمن انقهر هاذ هوة كلمن مشة بطريقه
ورة ثلاث سنين🌹🌹
كلللللللووووووووووش
كللللللوووووووووووش
يابه فضوهة خل يصورون حته نلحك للفندق نوصل
شسالفه اطي صبر المصور ازدحام شكو بيدنه هسة يصورون ونطلع
هااااا ناديه انتي هنااا خير ان شاء الله شعدكم يم المصور
اي والله اليوم زواج اختي ودننتضرهم يخلصون دانروح للفندق
هااااا ازوجت
شبيك نعيم قابل اختي تبقه بله زواج اي ازوجت وهاي زفتهة
🤦🏻♂️🤦🏻♂️🤦🏻♂️🤦🏻♂️
اكلج ناديه مو الباب دايندك
اي خل اشوف منو
هاااا نعيم خير شو هناااا خوما اكو شي
لا ماكو شي وينهة خاله خل اسلم عليهة وعتذر
على شنو تعتذر
على كلشي ماعرف شلون صار الصار
كلمن راح الحال سبيله اليوم زواجهة وخالك قبل ثلاث سنين من ازوج شذكرك هسة
الندم ذكرني ومن شفتهة طلعت من المصور أبدلة العرس مدري شصار بيه وخاصة خالي ولا ارتاح بزواجة مرته هواي سوتله مشاكل
سؤال واحد محيرني كل هالسنين الثلاث ليش ليش هيج سويت
الغيرة الغيرة عمتني خالي ياخذ زغيرة وحلوة والعين عليهة
روح انته وذنبك واختي اخذت نصيبه ونتة اتواجه وي ضميرك
لماذا التقينا يوماً لنفترق يوماً اخر
اكان القاء خطأ القدر ام الخطأ منا نحن البشر
انمنع ارتباط المحبين ونرمي الخطأ على القدر
القدر بريئ من غدررررررررر البشررررررررر
💔💔💔💔💔💔💔💔💔💔💔💔💔💔
أنت تقرأ
يوميات زوجة عراقية️️
Humorمواقف طريفة منقولة لكم بقلم زوجة عراقية️️ وتقول لكم (( حياتنة سر كبير نحتفظ به خلف جدران منازلنا حبيت تشاركوني مواقف من حياتي بيهة حزينه بيهة مضحكة بيهة نطلب النصح لا تخلو المواقف من الفكاهة ولا يعني الشجار عدم وجود الحب العكس هو الصحيح الحب جمع...
