يوميات زوجة عراقية️️

بعد الحب ( ٢)

( الحلقه الثانيه )

وج كومي كومي كعدي

شبيج شبيج صباح الخير شبيج ليش دتكعديني شكو

وج كومي وج هذا بالميت مرة رايح جاي ولج والله نقهرت علي طلعي خلي يشوفج حته يروح البيتهم

منوة شكو شبيج

ااااخ الي شالعه كلبه وصار شهر مشايفج

استغفر الله ونسأله التوبه
ولا راح يشوفني اني كتله اذا نخطبت بعد هذا هوة وهوة هم كلي الله يوفقج على شنو بعد رايح جاي

لج هاي انتي نفسج اختي مدا صدك منو جانت بس اشم الريحة تروح تركض بابا انتي جنتي تسمعين صوت خطوات مشيته قبل لا يدخل للمنطقه وتطلعين تنتضرين وهسة صارله شهر كطع رجلي رايح جاي بس يريد يلمحج  معقوله نسيتي سنين علاقتكم

مثل مدتكولين سنين
يعني لا سنه ولا سنتين وكتله راح انخطب وكال روحي بفالج وكتله اذا نقرت فاتحتي معناها انتهة كلشي
وتعالي كوليلي شنو انخطب وشنو اشوفه ويشوفني انتي تقبلين اغدر خطيبي ولتقي بالشخص الي أحبه قبله  دخليهة مستورة وتكمل هالزواجة على خير
عبالج اني ناسيه بس شسوي كيفت نفسي او وضعي على اساس يجي يوم وزوج وكلشي ينتهي ولا تلحين عليه كافي

والله العظيم مو قصدي تخونين خطيبج بس نقهرت علي تكطعت رجلي رايح جاي ولج اليوم حته وجهة اصفر يمكن مريض

ماعرف شكلج مو هوة كلي شوفي طريقج خلي يتحمل
عبالي جاي خطيبي ودتكعدني عابت ضيعتي الحلم عليه

هههههههههههه نوب تحلم وذاك ورمت رجلي من الروحة  والجية

..................

تالي وياك انته رايح البيتهم ساحلني وراك اني شكو ويا ريت شايف وجه

ترة عيب عليك عبالك مدري وين ماخذك

هسة غير افهم شنو نتيجة الروحة والجيةوهية البنيه لا تطلع ولا تشوفهة ونهت كلشي وكلتلك نخطبت لا وكطعت مهر شوكت يصير عدك احساس وجوز

ماكدر

ونتيجة

بس اشوفهة ارتاح

ماعرف اهلك باي عقل يفكرون ليش ميقبلون ولدهم ياخذون الي يحبوهن ذاك كبعو بوحدة ماموالمته ونته سويت اضراب عن الزواج شستفادو بالله

ولي يكتلك قهر احنه بس هالثنبن عدهم

اكولك انته حاولت حجيت وياهم على موضوع خطوبه

ابداً

لك بابا انته مخبل ساحلني وراك ونته ولا محاول اصلا  ونوب كاتل روحة عليهة رايح جاي وهية لابستك

لا تجاوز

لابستك وعترف وكافي البنيه نهت كلشي شكو بعد انته رايح جاي