Nais ko iyong malaman
Laman ng puso at isipan
Itong aking nararamdaman
Tila di pangkaraniwan
Tanggap ko kung ako'y masaktan
Dahil para sa akin, mahirap kang pakawalan
Pagkat may lihim na nararamdaman
Huwag sana akong ipagtabuyan
Pagsamo ko'y pakinggan
Ako'y tao lamang, ako ma'y nasasaktan
Tulang ito'y bigyang kahulugan
Bilang iyong manunuyo't kaibigan
Kung sabihin mo ito'y kahangalan
Dulot ng aking nararamdaman
Aking tatanggapin nang may kaluwagan
Pagkat ika'y diyosa sa aking kalangitan
Binibini, matagal na kitang pinagmamasdan
Ginoong tulad ko, kailan pagbibigyan
Huwag mo na sanang tanungin kung kailan
Baka sa huli, umuwing bigo't luhaan
BINABASA MO ANG
Mga Tula ng Pag-ibig
PoetryMay mga bagay sa atin na hindi kailanman mabubura. Ang mga alaalang nagbabalik, mga karanasang kay pait, at higit sa lahat, ang mga pangakong nawaglit. Sa akdang ito, muli mong mararanasang magmahal, masaktan at muling makatayo sa sariling mga paa. ...