Mga Tula ng Pag-ibig

Pula (kasama si Mary Melodus)

Pula ang kulay ng langit ngayon,
Kasing kulay ng pag-iibigan nating dalawa...

Umuulan ng rosas,
Pulang rosas;
Mga rosas na minsang nalanta sa pagkabigo-
Ngunit diniligan mo ng iyong ngiti.

Mga punla na akala ko'y hindi na mamumukadkad,
Buti dumating ka.

Sa mga binhi ng iyong pag-ibig, ako'y muling namulaklak.

At sa ating muling pagkalanta,
Aakyat ang kaluluwa natin sa langit;
Magkakaroon ng panibagong buhay,
Itatanim sa panibagong mundo
At hahanapin ulit natin ang isa't isa.

Pipiliin ulit nating magmahal-

Hindi ko na nanaising magmahal pa ng iba,
Gaya ng pagmamahal mo sa akin.

Mahal kita-
Hanggang sa aking pagpanaw,
Ikaw ang siyang laman nitong puso ko.

Sa pagpuno mo ng mga salita sa utak at puso ko,
Sana'y hindi nga ito magwakas;
Hindi ko alam kung anung sakit ang iindahin ko,
Kung mawala ka man.

Ikamamatay ko ang mawala ka sa akin.

Ikaw lang ang siyang pag-ibig ko,
Gaya ng rosas na pulang nakatanim sa aking puso.