Ihanda mo ang layag,
Maging ang ating angkla,
Anumang oras,
Tayo'y palalaot na.Pupunta tayo sa isang lugar,
Na matagal ko nang inaasam,
Lugar kung saan,
Ang kaalaman ay walang hanggan.Tara, sumampa ka na,
Sa lantsa ng karunungan,
Lilibutin natin ang mundo,
Kung saan, ikaw ay matututo.Buksan ang iyong isipan,
Papel at panulat lang ang puhunan,
Imahinasyon ay paganahin,
Saloobin ng puso'y buuin.Halina, maglayag tayo,
Tungo sa dagat ng karunungan,
Magpapahuli ka ba?
Halika, sumama ka na.
BINABASA MO ANG
Mga Tula ng Pag-ibig
PuisiMay mga bagay sa atin na hindi kailanman mabubura. Ang mga alaalang nagbabalik, mga karanasang kay pait, at higit sa lahat, ang mga pangakong nawaglit. Sa akdang ito, muli mong mararanasang magmahal, masaktan at muling makatayo sa sariling mga paa. ...