Dakilang kasambahay sa umaga,
Tagapag-alaga ng bata sa gabi;
Kung minsan ay utusan,
Madalas, tagahugas ng pinggan.
Kapag may oras para makapagpahinga,
Titingin sa lumang kwaderno upang magsulat ng tula;
Pero madalas, ako'y tumatangis,
Tuwing ang ama ko'y kailangan nang punasan ang pawis.
Akay-akay ang aking munting prinsesa,
Ako'y naghahanap ng masisilungan;
Nakalahad ang kamay,
Humihingi ng kaunting pagkaing magbibigay-buhay.
Ako ang sumisimbulo ng magulong lipunan,
Ako ang imahe ng nabulok na sistema;
Ako ang larawan ng isang baluktot na pangako,
Ako.. AKO SI JUAN DELA CRUZ.
BINABASA MO ANG
Mga Tula ng Pag-ibig
PoesíaMay mga bagay sa atin na hindi kailanman mabubura. Ang mga alaalang nagbabalik, mga karanasang kay pait, at higit sa lahat, ang mga pangakong nawaglit. Sa akdang ito, muli mong mararanasang magmahal, masaktan at muling makatayo sa sariling mga paa. ...
