Ikaw nga-
Yaring pag-ibig ko,
Hindi mawawaglit, kailanman,
Itong puso kong bato;
Sinupil mo-
Bawat uhaw at gutom,
Pinunan mo ako,
Ng iyong ngiti,
Na wari ba'y tala,
Kumikislap-
Pero mahirap kang makita,
Dahil bulag ka-
Hindi mo nakikita lahat-
Lahat ng aking nagawa,
Dahil nakatitig ka,
Sa dayuhan-
Dayuhang nangako sa'yo,
Subalit hindi tinupad,
Bagkus ay nagbigay-sakit-
Sakit na hindi maialis;
Kumikirot-
Kasing hapdi ng kahapong nagdaan,
Hindi mo napapansin,
Dahil bulag ka,
Oo-
Nabulag ka na sa kanya,
Wala kang nararamdaman,
Dahil manhid ka,
Wala kang pakialam-
Masakit-
Napakasakit,
Tama na,
Ayoko na.
BINABASA MO ANG
Mga Tula ng Pag-ibig
PuisiMay mga bagay sa atin na hindi kailanman mabubura. Ang mga alaalang nagbabalik, mga karanasang kay pait, at higit sa lahat, ang mga pangakong nawaglit. Sa akdang ito, muli mong mararanasang magmahal, masaktan at muling makatayo sa sariling mga paa. ...