Mayaman siya,
Ako'y dukha.
Marami siyang pera,
Habang ako'y salat na salat.
Kaya niyang ibigay kahit na anong gustuhin mo,
Samantalang ako, ni kusing ay walang maiabot.
Pero may mga bagay din na wala sa kanya,
Na kaya kong tapatan.
Kaya ba niyang magtrabaho sa ilalim ng araw?
Hindi, di ba?
Kaya ba niyang kumita ng sariling kinikita?
Siguro, hindi rin.
May mga bagay na mayroon siya na wala ako,
Pero mayroon din siyang mga pagkukulang na kaya kong punan.
Hindi ko kayang maibigay anuman ang meron siya,
Pero kaya kitang mahalin, nang buong puso't diwa.
BINABASA MO ANG
Mga Tula ng Pag-ibig
PuisiMay mga bagay sa atin na hindi kailanman mabubura. Ang mga alaalang nagbabalik, mga karanasang kay pait, at higit sa lahat, ang mga pangakong nawaglit. Sa akdang ito, muli mong mararanasang magmahal, masaktan at muling makatayo sa sariling mga paa. ...