Mga Tula ng Pag-ibig

Umiibig ako sa'yo

Masyado na ba akong matamis?
Sige, aalis na lang ako.
Nakalulungkot-
Gusto mo lang akong kausapin,
Kapag kailangan mo lang ako.

Kailangan ko pa bang ipakita sa'yo?
Kung ayaw mo, ayos lang.
Gusto ko sanang sabihin sa'yo,
Pero natatakot ako-
Baka hindi mo magustuhan.

Gusto ko naman na maging masaya ka,
Pero pinagtatabuyan mo ako.
Ayos lang, sanay naman ako,
Bakit ka ba naghihintay,
Kung narito pa ako?

Pero sa kaloob-looban,
Nasasaktan na ako nang sobra,
Pansin mo ba?
Malamang, hindi,
Dahil sa iba ka nakatingin.

Hindi mo kasi nararamdaman, eh,
Hindi mo kasi napapansin,
Oo, inaamin ko na,
Aaminin ko na sa'yo,
MAHAL NA NGA KITA.

Pero-
Hindi mo naman ako pinapansin,
Madalang ka lang makipag-usap sa akin,
Pinapayuhan kita,
Pero hindi ka sumusunod.

Ano ba ako sa'yo?
Ano ba ang turing mo sa akin?
Pakiusap naman-
Kailangan ko ng sagot,
Isang tapat na sagot.

Ayaw kong umasa,
O magmadali,
Sana masagot mo ito-
At kung anuman ang tugon mo,
Tatanggapin ko.