Chapter 32: ငွေရှာရန် အလွယ်ဆုံးနည်းလမ်း
ထိုလူက အေးစက်စွာ လှောင်လိုက်သည်။
"မင်းက အမေ့လွယ်တာပဲ။ ငါက မက်မွန်ပွင့် ၁၃လေ။ မင်းနဲ့တောင် လောင်းကစားအတူလုပ်သေးတယ်။ ငါ့ကို အဲ့လောက်မြန်မြန်မေ့သွားပြီလား""မက်မွန်ပွင့် ၁၃" မက်မွန်ပွင့် ၁၂ပြောပုံအရ မေချောက်ဖုန်ရဲ့ မွေးစားသား၁၃ယောက်အနက် အင်အားအကောင်းဆုံး ကျင့်ကြံမှု တတိယအဆင့်ရှိသူဖြစ်ကြောင်း ဇူအန် အမှန်ရလိုက်သည်။
ဇူအန် ကြေကွဲနေသည်။
ဘာလို့ ငါ့ရန်သူမှန်သမျှက ငါ့ထက်အားကောင်းနေရတာလဲ။တစ်ချိန်တည်းမှာပင် ယခင်ဇူအန်၏ အန္တရာယ်ကို တည့်တည့်တိုးနိုင်စွမ်းကို အံ့သြနေမိသည်။ ဒီလိုလူမျိုးများနှင့်ပင် လောင်းကစားအတူ လုပ်ရဲသေးသည်။
"၁၂ ဘယ်မှာလဲ" မက်မွန်ပွင့် ၁၃က မေးလိုက်သည်။
"ဘာ ၁၂ လဲ။ အဲ့တာ ကျုပ်ကို ဘာလို့လာမေးနေတာလဲ "ဇူအန် မသိချင်ယောင်ဆောင်လိုက်သည်။ မက်မွန်ပွင့် ၁၃ ၏ အရောက်မြန်မှုကို ဇူအန် မထင်ထားပေ။
"ဟန်ဆောင်မနေနဲ့တော့။ မင်းတို့နှစ်ယောက် မြို့ပြင်ကို အတူထွက်သွားတာ တွေ့လိုက်တဲ့လူရှိတယ်။ အခု သူ့ကိုရှာမတွေ့ဘူး" မက်မွန်ပွင့် ၁၃ က အေးစက်စက် ပြောလေသည်။
"အာ မှတ်မိပြီ မင်းက မက်မွန်ပွင့် ၁၂ ကို ပြောနေတာလား" ဇူအန် တစ်စုံတစ်ခုကို သတိရဟန် လက်ခုပ်တီး၍ ပြန်ဖြေသည်။
"ငါတို့ထွက်သွားပြီး မကြာခင် တန်မျိုးရိုးနဲ့ လူတစ်ယောက်ကို လမ်းမှာ တွေ့လိုက်တယ်။ သူက အဲ့ဒီတန်မျိုးရိုးနောက် လိုက်သွားပြီး ငါတို့လမ်းခွဲလိုက်တာပဲ။ ကျန်တာတော့ ငါလည်းမသိဘူး"
"တန်မျိုးရိုးနဲ့ လူတစ်ယောက်... အဲ့တာက ဟိုသစ္စဖောက် တန်ဝေလား" မက်မွန်ပွင့် ၁၃ က မေးလိုက်သည်။
ဇူအန်ပြောလိုက်သည်။
"ကြည့်ရတာ ဘာဖြစ်သွားလဲ မင်းသိတဲ့ပုံပဲ။ ကောင်းတယ်။ ငါတို့စာရင်းရှင်းပြီဆိုတော့ ငါသွားစရာရှိတာ သွားလိုက်ဦးမယ်"
မက်မွန်ပွင့် ၁၃ က မိန်းမလှလူသတ်သမားဆိုလျှင် ဇူအန် စကားနည်းနည်းပြောဖြစ်ဦးမည်။ သို့သော် မျက်နှာမှာ အမာရွတ်ရှိသော ကြမ်းကြမ်းတမ်းတမ်းလူကို အဖော်လုပ်ပေးဖို့တော့ စ်ိတ်မဝင်စားချေ။
ESTÁS LEYENDO
ကီးဘုတ်အင်မော်တယ်-ဇူအန် (Zawgyi + Unicode)
Acciónအင်မော်တယ် ဇူအန် (မိတ်ဆက်) Keyboard Immortal ဘာသာပြန် Action Sharp မိုးကြိုးပစ်ခံရကာ ဘဝပြောင်းသွားသော ဇူအန်...။ လပြည့်မြို့တော်၏ လူ့အန္ဓ တစ်ယောက်အဖြစ် နိုးထလာသည်။ သို့သော် စိုင်ကော်၍ ခြုံပေါ်ရောက်ဆိုသလို ချူးကလန်မှ ထိပ်တန်းပါရမီရှင်အလှပဂေးသမီးပျိုလေ...