Chapter 182: ထွက်ပေါက်
“အဲ့ဒါ ဘယ်လိုလုပ်ဖြစ်နိုင်မလဲ” ရှောင်းရွှယ်ယင် ကြောင်အသွားသည်။ သို့သော် သိပ်မကြာခင်တွင် သူမမျက်နှာ လက်ခနဲ တောက်ပလာပြီး ပြန်ပြောလိုက်သည်။ “အဲ့ဒါက ပိုမကောင်းဘူးလား။ နင်အမှန်အတိုင်း ပြောလိုက်ရုံပဲလေ။ အဲ့ဒါဆို ရွာသူရွာသားတွေလည်း သံသယအဝင်ခံရတဲ့ အဖြစ်ကနေ လွတ်မြောက်သွားကြမှာ”
“အဲ့လိုမျိုးစကားကို ဒီလောက်အသံအကျယ်ကြီးနဲ့ ပြောတာ မင်း ဘယ်လောက်တောင်တုံးလိုက်သလဲ” ဇူအန် ရှောင်းရွှယ်ယင်ကို အထင်သေးမှုအပြည့်ဖြင့် ကြည့်လိုက်ပြီး “ဒါက ဘာကိုဆိုလိုတာလဲဆိုတာ မင်း မသိဘူးလား။ သဘောတရားအရဆို အမှန်အတိုင်းပြောလိုက်ရင် ကောင်းကင်ဘုံက ရှင်ဘုရင် သေသွားအောင် စီရင်ချက်ချလိုက်တယ်ဆိုတဲ့ အချက်ကို အတည်ပြုပေးလိုက်သလိုပဲ။ ငါတို့ ဒီကိစ္စကို ဒီအတိုင်း တင်ပြလိုက်ရင် ရှင်ဘုရင်က ငါတို့ကို လုံးဝလွှတ်ပေးမှာ မဟုတ်ဘူး”
“ဒါဆို ငါတို့ဘာလုပ်ရမလဲ” ရှောင်းရွှယ်ယင် အသံကျယ်ကျယ်ဖြင့် အော်မေးလိုက်သည်။ “ငါတို့ အမှန်အတိုင်း ပြောလို့လည်း မရသလို ဒီက ရွာသူရွာသားတွေကလည်း အပြစ်ကင်းတဲ့သူတွေပဲ။ သူတို့ထဲက တစ်ယောက်ကို အတင်းဝန်ခံခိုင်းပြီး တရားခံလုပ်ခိုင်းလို့တော့ မရဘူးလေ ဟုတ်တယ်မလား”
“အဲ့လိုလုပ်ချင်ရင်တောင် လွယ်မှာမဟုတ်ဘူး” ဇူအန် အေးတိအေးစက်ဖြင့် ပြန်ပြောလိုက်သည်။ “ချင်မင်းဆက်က အလွန့်အလွန် စည်းကမ်းတင်းကျပ်ကြတယ်။ ရှင်ဘုရင်အပေါ် အဲ့လောက်ကြီးမားတဲ့ အရိုအသေမဲ့မှုအပြစ်ကျူးလွန်တာက မျိုးရိုးစဉ်ဆက် ကိုးခုအထိ သတ်ဖြတ်သုတ်သင်ခံရဖို့အထိ ပြစ်ဒဏ်သတ်မှတ်နိုင်တယ်။ သူတို့ အခု မှားယွင်းစွပ်စွဲခံနေရတာကို မပြောနဲ့အုံး၊ အဲ့လောက်ကြီးမားတဲ့အပြစ်ကို ဘယ်သူက ဝန်ခံချင်မှာလဲ”
“အဲ့ဒါဆို တစ်ရက်အတွင်း လူသတ်သမားကို ရှာတွေ့ဖို့ မဖြစ်နိုင်ဘူးလို့ ဆိုလိုတာလား” ရှောင်းရွှယ်ယင် သူမနှလုံးသား တဒုတ်ဒုတ် ခုန်လာနေသည်ကို ခံစားလိုက်ရသည်။
ESTÁS LEYENDO
ကီးဘုတ်အင်မော်တယ်-ဇူအန် (Zawgyi + Unicode)
Acciónအင်မော်တယ် ဇူအန် (မိတ်ဆက်) Keyboard Immortal ဘာသာပြန် Action Sharp မိုးကြိုးပစ်ခံရကာ ဘဝပြောင်းသွားသော ဇူအန်...။ လပြည့်မြို့တော်၏ လူ့အန္ဓ တစ်ယောက်အဖြစ် နိုးထလာသည်။ သို့သော် စိုင်ကော်၍ ခြုံပေါ်ရောက်ဆိုသလို ချူးကလန်မှ ထိပ်တန်းပါရမီရှင်အလှပဂေးသမီးပျိုလေ...