ပြန်သုံးလို့ရသွားတာမို့လို့ ဒီမှာပဲ epilogue ကို ထပ်ဖြည့်လိုက်မယ်နော် 😇😇
Unicode
နွေရာသီတွင် မိုးဖွဲလေးများ သည်းလာသည်နှင့်အမျှ Wang Zhi Shui တစ်ယောက် အအိပ်မက်လာသည်။ နေ့လည်လဲ အိပ် ညနေဘက်လဲ အိပ်နှင့်။ တစ်နေ့ကဆိုရင် အိပ်ရာကထ မျက်နှာသစ်သွားတိုက်ကာ စောင်သေချာခေါက်နေသည်ဟု အိပ်မက်တောင် မက်နေလိုက်သေးသည်။ အိမ်ရှေ့က လူခေါ်ခေါင်းလောင်းသံကြားတော့မှ သူ အိပ်ရာထဲရှိနေသေးသည်ကို သိလိုက်ရသည်အထိပင်။
" ခင်ဗျားက??"
တံခါးသွားဖွင့်သော်လဲ အိပ်ရေးမဝသေး၍ ခေါင်းပင်မထောင်နိုင်။
တံခါးရှေ့တွင် ရပ်နေသော ထိုလူက အနောက်တိုင်းဝတ်စုံ သပ်သပ်ရပ်ရပ်ဝတ်၍ လက်ထဲတွင် အိတ်တစ်လုံးကိုင်ထားသေးသည်။ ရွှေရောင်ကိုင်း မျက်မှန်တပ်ထားသည့်အတွက် နူးညံ့သည့်အသွင်ပေါ်နေ၏။
" ကျွန်တော်က Wang Wei ပါ မေ့သွားတာလားခင်ဗျ"
Wang Zhi Shui က အံ့သြတကြီးပြောလိုက်သည်။
" ခင်ဗျားက Missing My Brothers in Shandong on the Double Ninth ကို ရေးတဲ့သူလား"
( သူပြောတဲ့ wang wei က ရှေးခေတ် တရုတ်ကဗျာဆရာပါ)
" အာ ခင်ဗျား ဘာတွေပြောနေတာလဲဗျာ"
Wang Wei တစ်ယောက် ကြောင်တောင်တောင် ဖြစ်သွားရှာသည်။
" ကျွန်တော်က XX TV ကပါ ကြယ်ပွင့်လေးများရှိုးရဲ့ ဒါရိုက်တာ.. ဟိုတစ်ခေါက်ကတောင် Jindu ဟိုတယ် ညစာစားပွဲမှာ လာနှုတ်ဆက်ပါသေးတယ်ဗျ"
Wang Zhi Shui က ထိုသူ ဘယ်သူမှန်းသေချာမသိ ရောထွေးနေသော်လဲ အိမ်ထဲပေးဝင်လိုက်၏။
" ကျွန်တော်က ခင်ဗျားကို ကျွန်တော့်ရဲ့ရှိုးမှာ ပါဝင်ဖို့ လာဖိတ်တာပါ အဲ့ရှိုးကို ကြည့်ဖူးလားမသိဘူး"
Wang Zhi Shui က သမ်းဝေရင်း ခေါင်းညိတ်သည်။
" ကြည့်ဖူးပါတယ်"
" ကြည့်ဖူးတော့ တော်သေးတာပေါ့ဗျာ .. ကျွန်တော်တို့ရဲ့ ရှိုးက အနုပညာရှင်တွေရဲ့ ပင်ကိုယ်အရည်အချင်းကို ပြသတာပါ .. ပရိသတ်တွေ မသိသေးရဲ့ အရည်အချင်းတွေကို သိသွားအောင် ပြတဲ့သဘောပေါ့ အရင်တစ်ခေါက်တွေ့ကြတုန်းက ခင်ဗျားမျက်လှည့်ပြတတ်တယ်လို့ ဒါရိုက်တာ Xuan က ပြောတယ်လေ အဲ့ဒါ ခင်ဗျားဘယ်လိုသဘောရလဲ လာမေးကြည့်တာပါ"
YOU ARE READING
Advance Bravely 'ရဲရင့်သော ခြေလှမ်း' မြန်မာဘာသာပြန်
Actionချမ်းသာကြွယ်ဝသော ရှေးခေတ်မင်းမျိုးနွယ်ဆက် Xia Yaoသည် မိန်းကလေးများ၏ အသည်းစွဲ ချောမောလှပသူ ဖြစ်၏။ Yuan Zong မှာ အထူးတပ်ဖွဲ့မှ အနားယူပြီးနောက် ကိုယ်ရံတော် လေ့ကျင့်ပေးသည့် ကုမ္ပဏီ ဖွင့်ထားသည်။ Yuan Zong ၏ ညီမ Yuan Ru သည် Xia Yao ကို တစ်ဖက်သတ်ကြိုက်နေသူ...
