ONESHOT TAGALOG STORIES

ONE NIGHT WITH A HOTTIE

ONE NIGHT WITH A HOTTIE

ANO 'TO?!

NASA'N ANG MGA DAMIT KO?!

Wala sa sarili akong napahawak sa katawan kong balot lang ng puti at makapal na kumot. Nang i-angat ko ang kumot para silipin ang kabuoan ko, wala akong kahit isang saplot!

Sinubukan kong gumalaw pero agad akong napa-igik sa sakit nang maramdaman ang hapdi sa pagitan ng mga hita ko. Tulala akong napahawak sa 'baba' ko. Parang sobrang namamaga 'yon at mas lalo kong naramdaman ang sakit kahit dumapo lang dito ang palad ko.

Leche. Parang inararo ako ng sampung kalabaw, ah?!

Paano nangyari 'to? Wala akong kahit isang maalala!

Kahit mukhang wala na ako sa katinuan ay pinilit kong tumayo kahit paika-ika ako. Kailangan kong makaalis dito bago ko pa maalala lahat ng katangahang nagawa ko.

Nang makapaghilamos at nakapagbihis na, dali-dali kong kinuha ang bag ko. Tatakbo na sana ako palabas pero nahinto ako nang makaamoy nang masarap na pagkain. Kumalab agad ang sikmura ko.

Napapikit pa ako dahil sa nakakatakam na amoy na 'yon mula sa kusina. Hanggang sa hindi ko nalang namalayan na humahakbang na ang mga paa ko papunta ro'n.

Pero natulos ako sa kinatatayuan sa nakita nang makarating na sa pinagmumulan ng mabangong amoy na 'yon.

Nanaginip ba ako?

Kung oo sana hindi na ako magising!

Well toned body, maputi, may six pack abs, gwapo at hottie na lalaki ang nasa kusina at nagluluto. Parang ang ganda pa ng mood niya dahil nakangiti pa siya habang naghahanda ng pagkain. Parang inspired siya.

Mula sa likod ng pader ay hinayaan ko munang pagpiyestahan ng mga mata ko ang pang-itaas niyang katawan na walang damit. Halos magningning ang mga mata ko dahil sa nakikita.

Kung ganito lagi ang masisilayan ko t'wing umaga, malamang busog na busog na ako sa kakatitig!

Lihim akong napahagikhik. Pero agad ding napahinto nang sumulyap yung lalaki sa pinagtataguan ko. Agad akong umiwas at nagtago.

Hala! Baka nakita niya ako!

Dinadagundong na sa kaba ang puso ko habang nakapikit at piping nagdasal na sana hindi niya ako nakita. Gusto ko pang sumilip pero natatakot ako na baka mahuli na ako.

Teka lang, ano palang ginagawa ko dito?

Sa tanong na 'yon ay unti-unting bumalik sa'kin ang lahat. Nakainom ako ng marami at hindi na maalalang napunta ako sa ganitong lugar. At ang mas malala pa, hindi na ako vírgin!

"Goodmorning, baby."

Halos tumalon ako sa gulat dahil sa boses na 'yon. Lumingon ako sa gilid ko. At nakasilip na sa'kin yung lalaking hottie!

Ngumisi siya sa'kin at dahan-dahang lumapit sa kinatatayuan ko. Parang kakapusin ako ng hininga dahil sa kaba habang tinitingnan siyang mariin ang titig sa'kin.

Ngayong nasa harap ko na siya ng tuluyan, naamoy ko na ang panlalaki niyang pabango. Mukha rin siyang bagong ligo dahil medyo basa pa ang buhok niya, mas lalong gumagwapo sa paningin ko. Pinilit ko ang sariling 'wag tumingin sa baba niya at baka hindi ko mapigilan ang sariling pisilin ang matigas niyang abs.

"How are you feeling? Masakit pa ba?" Tanong niya sa tonong nag-aalala. Sobrang baritono ng boses niya at parang nalululong ako doon.

Nalululong o nauulòl?

Wala sa sarili akong ngumiti. Ngiti na parang natataè. "M-Masakit ang ano?"

"Yung..." Sinadya niyang bitinin ang salita at dahan-dahang tumingin sa baba ko. Nanlaki ang mga mata ko at agad siyang sinamaan ng tingin!

"Ikaw ang nagrape sa'kin?!" Singhal ko. Napataas siya ng kamay at amuse na tumingin sa'kin, pinipigilang matawa.

"Woah...hindi kita ni-rape, baby." Ngumiti siya ng pilyo sa'kin. "Nagustuhan mo ang nangyari sa'tin. You even screamed my name a million times last night." Ngisi niya.

Namula ang buong mukha ko dahil sinabi niya at nag-iwas ng tingin.

Sana hindi ko na 'yon maalala!

"You should eat breakfast first, baby." Aniya matapos ang ilang sandali saka ako hinila papunta sa kusina. Napakurap-kurap ako sa gulat.

Lalo lang umawang ang labi ko sa dami ng pagkain na nakahain sa island counter. Maraming desserts ang nakahain. Cupcakes, pancake, toasted bread, chocolate muffins at lasagna. Mas lalong kumalam ang tiyan ko at parang naglalaway na sa nakikita.

Pinaupo niya ako sa stool habang naghahanda siya ng kakainin ko. Wala sa sarili ko lang siyang pinanood.

"There," Naglapag siya ng toasted bread sa harap ko at gatas. Nagtaka pa ako kasi may kape naman pero bakit gatas ang hinanda niya? Mukha ba akong bata?

"You can also choose whatever you want here. Basta 'wag kang sosobra sa dessert, okay? It's not good for our baby."

Tahimik akong tumango nalang at kinuha ang isang toasted bread. Kakagatin ko na sana 'yon pero nahinto ako nang magsink-in sa utak ko ang huli niyang sinabi.

Ano?

OUR BABY?!

Akala ko ba ako lang ang baby niya?!

Naguguluhan akong nag-angat ng tingin sa kaniya at nagsalita. "Baby?"

"Yes?" Agaran niyang sagot at awtomatikong ngumiti ng malapad.

Napapapikit ako. Hindi ko alam kung maiinis ba ako, matatawa o kikiligin dahil mukhang kinilig siya sa akalang tinawag ko siya sa endearment na 'baby'.

"Ang ibig kong sabihin, ano yung 'our baby' na sinasabi mo?" Nagtataka kong tanong.

Kumurap-kurap siya sa tanong ko. Parang ilang sandali pa siyang natigilan at nakakunot ang noo sa'kin. Pero sa huli ay ningitian niya din ako. "You're three months pregnant with our baby, babe. Tatlong buwan na simula nang gawin natin siya."

Napanganga ako sa mga narinig ko sa kaniya. Hindi dahil sa bulgar niyang salita, kundi sa kaalaman na buntis ako.

"You didn't remember? Ginapang mo lang ako kagabi, parang nakalimutan mo na din na mag-asawa na tayo." Kunwari ay nagtatampo niyang sabi pero may kapilyuhang pinapakita ang mga mata niya, may ibang pinapahiwatig. Halos malaglag ang panga ko.

Inaabsorb ko pa lahat nang narinig hanggang sa matauhan ako. Lihim kong minura ang sarili.

Oo nga. Bakit ko nakalimutan? Asawa ko na 'tong hottie na 'to! Sa sobrang kagwapuhan niya kasi hindi parin ako makapaniwala na nakabingwit ako ng asawang halos katulad ng fictional characters sa wattpad. Hays.

✍️: @janesscious | Janess Manunulat

Ano pang hinihintay niyo? Tara at kumuha na ng asawa sa wattpad!

NO MORE NEXT.
DON'T PLAGIARIZE!

Photo is not mine.